عيد ميلاد الفراق من امتى الفراق كان عيد...من يومها وانا مشتاق وانت صبحت بعيد
خلصت دموعى عليك وباية الدموع هاتفيد...غير مر هيفضل فى بقى والنار فى قلبى تزيد
ياترى حاسسنى ولا الزمن واخدك........لسة قلبك لامسنى ولا نسيت وعدك
لسة كانك معايا والزمن وقف بعدك.....ياترى بتتمنى لقايا ولا استحليت بعدك
دايب فيك مشتاق لعنيك والدنيا مش حاسس بيها
فين لياليك باتمنى الاقيك واعيش تانى فيها
لو جيت اقول على اللى فى قلبى كل الناس هاتقول مجنون...بالذمة ينفع ادارى واخبى حب يكفى كل الكون؟
فينك وفين الضحكة الحلوة ونبرة صوتك فى التليفون
ولا خدك لما بيلمع ولا اجمل ماشفت عيون