شكرا يامحمود على طرحك لمثل هذه المواضيع الجاده
1- كثره الملتزمين والملتزمات دينيا فى شبراملس فى الاونه الاخيره مع كثرة الفتن
بالنسبه للملتزمات
على فكره دى حاجه كويسه بدات تحصل والناس بدات تنتبه ليها وتسمعها
كمان بدا يظهر الدروس الدينيه فى الجامع وكمان فى البيوت والمقراءه
بس اللى يكسف بقا ان فى جوامع منعت الناس دى من انها تشرح الدروس الدينيه فى الجامع وفعلا مبقوش ياخدو دروس فى الجوامع
وبجد الناس دى ملتزمه جدا رينا يهديها وينور لها طريقها
2- لبس البنات فى شبراملس واللى مش عاوز كلام عليه وكل ماتكلم حد يقول موضه
بالنسبه للبس بقا
انا مش عارفه اقول ايه
يعنى هو الاب او الام مش بيشوف بنته وهيا خارجه من البيت معلشى يعنى هوالاب او الام مش هيقدرو يحكموعلى بنتهم ويقولولها ماتلبسيش ده
متهايالى مفيش بنت هتلبس غصب عن اهلها يعنى
والموضه دى بدعه بتدمر تفكيرنا وبتقضى على اخلاقنا
لكن الحق كله على اهل البيت لو البيت ملتزم اكيد عمرهم ماهيسمحو بالموضه دى
ولو سمحو هيكون فى حدود الادب والاحترام لان فعلا فى موضه محترمه بردو
والموضه دى بقت عدوه كل واحده بتشوف صحبتها او زميلتها بتبقى عايزه تلبس زيها
انت عارف بقا لو جيت تقول لحد من الاهل هيا لبسه كده ليه هيقولك ماهى لابسه زى صاحبتنا دى وبنت دى وبنت عمها ومواااااااال بقا
والبت لسه صغيره خليها تعيش لها يومين
بجد ده بقا معظم تفكير الناس
ربنا يهديهم يارب واهلهم يفوقو من الغفله اللى هما فيها
لو شفنا بقا العلاقه بين المدرسين والطالبه ياسلام
يعنى ممكن تكون ماشى فى الشارع وتلاقى البنت راجعه من الدرس وتلاقى المدرس مروح معاها زى مايكون هتخاف تمشى لوحدها
ولا تدخل مدرسه مثلا تلاقى المدرس سايب الحصه وواقف مع بنتين من اللى بيديهم درس بره ونزلين ضحك
وياسلام طبعا ده بثت حاجه طبيبعيه ان البنت تكون فى الابتدائى ومعاها موبايل وطبعا معاها رقم المدرس ورنات بقا ورسايل بصراحه حاجه تكسف
دى كلها مواقف انا شفتها بعنيا
طبعا دى حاجات مفيد اى حد محترم وعاقل يقبل بيها
تقبل مرورى ورايى يامحمود
تحياتى