طبعا العنوان مستفز جدا انا عارف وانا فعلا اقصده
اللي كان ناوى يحدفنى بحاجة يستنى شوية لانه هيعرف السبب
ابداْكلامى بخير الكلام
والصلاة على خير الانام
ان الله وملائكته بصلون عليه يا ايها الذين امنوا صلوا عليه وسلموا تسلميا
صلى على الحبيب المصطفى
أوصانا الحبيب عليه افضل الصلاة والسلام ان نكثر من الصلاة عليه ومن صلى عليه صلاة صلى الله بها عليه عشرة
جميل ان جدتى لما تحكيلنا حدوتة تقول صلو على النبى الاول او مثلا وانت ناسى حاجة تصلى على النبى عشان تفتكرها
لكن فيه بعض المواقف باشوف الناس بتصلى على النبى واقول ياريته ما صلى عليه
مثلا -واحد بيعاكس واحدة يقوم ماسح مسح جغرافى لكل جسمهاا بعينيه ويقول اللهم صلى على جمال النبى ده ينفع؟
-واحد عاوز يوصل لك رسالة انك لازم تسيب حقك وتاخد على دماغك وتسكت يقوم يقولك ياعم صلى على النبى
-واحد بيفتح معاك نميمة وانت بتقوله دع الخلق للخالق يقولك صلى على النبى ده كيت وكيت وكذا وكذا
-والافظع بقى زفة فى فرح والكل ناسى يلبس هدومه والراقصة الفاميلى سايز تترنح والكل يصفق صلى على النبى صلى على النبى او صلى صلى واللى ما يصلى مش عارفة ابوه ايه وامه ايه ده ينفع
-طيب دول ناس بيئة مثلا وياى منهم.
الناس بقى اللى مش بيئة فى اول الفرح (والكل برضو بينسى يلبس هدومه صيف وشتاء) تلاقى هشام عباس يغنى اسماء الله الحسنى والناس آخر خشوع وأول ما يقول اللهم صلى على اسعد مخلوقاتك هوببا تلاقى الكل بيتمايل ويصفق والبعض يرقص فيه ايه ياناس
واللا اللى بيرقصو على اغانى سامى يوسف واللى برضو بيصلى فيها على النبى ياجماعة لازم ذكر النبى صلى الله عليه وسلم له احترامه وآدابه ماينفعش نقرنه بافعال غير مناسبة له.
كله الا ذكر النبى((علية الصلاة والسلام))
موضوع: ياريته ما صلي علي النبي !!!!!!!! 
الخميس أكتوبر 15, 2009 10:46 pm
