اعمل عبيط ؟؟!!

اعمل عبيط وأنت تستمع إلى السياسى اللعيب وهو يرص الأكاذيب حجراً على حجر مثل أحجار الشيشة وهو ينشر قنابل الدخان فى كل مكان حتى لا نرى الحقيقة.

اعمل عبيط وأنت ترى الرشوة الجنسية عينى عينك والصفقات تتم حولها فوق الترابيزة وتحت الترابيزة وجنب الترابيزة اعمل عبيط وعش أيامك عش لياليك

اعمل عبيط وأنت ترى مظاهرات السلالم فى نقابات وسط البلد تحاصرها الإحباطات كما لو كانت تحاصر القوات الإسرائيلية فى الثغرة فى السويس

اعمل عبيط ولا تسأل عن أى تعديل وزارى ولا كيف جاءوا ولا لماذا ذهبوا

أعمل عبيط وانت تدفع ضعف مرتبك دروساً خصوصية لإبنائك مع أن الحكومة تؤكد دائما مجانية التعليم

اعمل عبيط وأنت تشاهد برامج المطبخ فى التلفزيون وهم يحدثونك عن السمون فيميه والكوردون بلو والطرطوفة والكالمارى، اعمل عبيط واستمتع بحفل البصل والفول المدمس.

اعمل عبيط وأنت تستمع إلى رجال الأعمال ووزراء المجموعة الاقتصادية وهم يقولون مصر فيها فرص عمل تقدر بعشرات الآلاف ولكن الشباب يفضل الجلوس على المقاهي.

اعمل عبيط إذا رأيتهم يطاردون عملاء التوك توك فى كل مكان وكأنهم جواسيس دخلوا البلاد بدون رخصة أو تأشيرة.

عبيط وأنت ترى العمالة المصرية مسحوقة تحت رحمة الكفيل ومطرودة من أمام أبواب السفارات

اعمل عبيط ولا تتحدث عن حقوق الإنسان تحدث عن حقوق الحيوان.. أضمن ألعب ع المضمون.

اعمل عبيط وخليك في الصورة.. زاحم.. انحشر.. خليك غتيت.. قاتل وقل لنفسك لا فيها لاخفيها

اعمل عبيط ولا تتحدث في السياسة.. امشي جنب الحيط الأحوط.. امشي جوه الحيط

اعمل عبيط ولا تقترب أبدا من مكانين: قسم الشرطة ومبنى السفارة.

اعمل عبيط لما شيخ الازهر يقولك النقاب عاده مش عباده

اعمل عبيط وكأنك لم تقرأ هذا الكلام.. وحاول أن تعمل حاجة لمصر.. فالسيارة عطلانة... لكن البكاء لن يدير الموتور..

قل للناس من حولك يلا يلا يا رجالة .. إيدك يا حج اللي يحب النبي يزق.
واوعى تعمل عبيط ..!!

واعمل عبيط ولا كانك قراءت حاجه ويجعله عامر

يا ترى هتعرف تعمل عبيط ؟؟!!

زائر

اعمل عبيط
وأنت ترى الرشوة الجنسية عينى عينك والصفقات تتم حولها فوق الترابيزة وتحت الترابيزة وجنب الترابيزة اعمل عبيط وعش أيامك عش لياليك

اعمل عبيط
ولا تسأل عن أى تعديل وزارى ولا كيف جاءوا ولا لماذا ذهبوا

اعمل عبيط
وأنت تستمع إلى رجال الأعمال ووزراء المجموعة الاقتصادية وهم يقولون مصر فيها فرص عمل تقدر بعشرات الآلاف ولكن الشباب يفضل الجلوس على المقاهي.

اعمل عبيط
وأنت ترى العمالة المصرية مسحوقة تحت رحمة الكفيل ومطرودة من أمام أبواب السفارات

فعلا يادكتور كلامك كله صح
شكرا ليك

يا ترى هتعرف تعمل عبيط ؟؟
على اساس ان احنا لسه كل واحد فينا هيعمل نفسه عبيط
ليييييه؟
ماهو احنا بنشوف بيحصل كده كل يوم قدام اعيننا وبنسكت
مانقولها بصراحه
احنا بقينا من زمان كده اصلا مش لسه هنعمل نفسنا عبط دلوقتى

محمد

منور بمرورك

سما

طيب الحمد لله ان الزمن خلانا عبط بس

نورتو الموضوع

الحل مش اعمل عبيط الحل اعمل ميت

اعمل ميت للامراض الجديده اللى ماشيه مع الموضه

اعمل ميت لغلق المدارس

اعمل ميت للهجرة فى البحر

اعمل ميت لو دخلت قسم شرطه

اعمل ميت لاعتصامات الصيادله

اعمل ميت لمستوى المستشفيات المصريه

اعمل ميت لادوية بير السلم

اعمل ميت للمخدرات المنتشره فى البلد

اعمل ميت للدنيا اللى احنا فيها

» عبيط دا ولا ايه؟؟؟