الي من يهمه الأمر

بجد كلام جميل وللاسف كلنا عارفينه وشايفينه وعلى الخصوص فى البلد دا طبعا من ناحية التعليم
التعليم هنا يكاد يكون منعدم وخصوصا فى الازهر المعاهد الدينيه اللى فى البلد الطفل من دول يدخلها بيعرف يكتب اسمه يطلع مش عارف اى حاجه سبحان الله
فين حق الطلبه اللى هو المفروض على المدرسين ما تعرفش
المدرسين بيروحوا علشان يفطروا ويشربوا الشاى....... بجد كتر خيرهم ..عايزين منهم ايه يا جماعه حرام عليكم
اكيد فى استثنا ءات طبعا
وبالنسبه للمستشفيات اللى هى المفروض احد اسباب الشفاء اصبحت من اهم اسباب الموت دا طبعا على مستوى الجمهوريه على راي اللى بيقولوا يعنى اللى بيموتوا دول هاياثروا فى حاجه ونسيوا قول الحبيب المصطفى(تناكحوا تكثروا فانى مباه بكم الامم يوم القيامه)
لا احنا كترنا اوى الغلابه دول لزمتهم ايه واللا ايه رايكم اللى بيسرقوا البلد هما دول اللى المفروض يعيشوا فيها
بجد استرها يارب
اقتصادنا فعلا بايظ اللى قال كده ماغلطش بس من الربا اللى بنتعامل بيه والحاجلت الكتير المخالفه للشريعه
عموما ياريت نلاقى حلول للمشاكل اللى فى البلد

مشكووووووووووووور علي الأفاده في هذا الأمر والله كنت اتمني المزيد من الأراء والمشاركات حتي نجد حلول واقولها بصدق فعلا المعاملات الربويه كما قلت كثيره وتشارك بنسبه كبيره في هذه الأزمه
وبالنسبه للتعليم فأزيد علي ماقلت ان المدرسين مش بيفطرو ويشربو شاي مش هي دي المشكله انت عارفه المشكله الكبيره انهم مش عارفين لايشرحو ولا يحلو المسائل للطلبه
مع خالص احترامنا لكل اساتذتنا الأفاضل واللي هم مثال طيب للمدرسين

انا رايى ان الحكومه هى اللى المفروض تتغير
وانا شايفه ان الريس عمل كتير
وفى الاول والاخر هو انسان ومسؤلية الشعب المصرى كبيره اوى على ان واحد يتحملها مهما كان
حكومتنا هى اللى مش حلوه والمفروض تتغير بس نرجع ونقول برده ياعالم ممكن لو اتغيرت ايه يعنى اللى يحصل

والله ممكن يكون عندك حق بس انا شايف ان الحكومه اتغيرت كتير وكل مره بيحصل ايه بتيجي الحكومه الجديده بتشتغل بنفس النهج السابق
يعني التغيير بيكون اشخاص فقط مش فكر جديد ده مجرد ضجك علي الناس

احنا عاوزين تفكير جديد مش اكتر وبعدين الريس مش مطلوب منه كل حاجه لأ بس يسمع اراء الأجيال الجديده وطبعا يكون من كل فئات الشعب مش اللي بيقولو اللي يردي الحزب علشان يفضلو فيه

وبعدين الشعب عاوز اصلاح وشغل جامد علشان الحاله اللي وصلها الشعب من الجهل والتخلف والهمجيه ودي من وجهة نظري الشخصيه حاجه خدمت النظام الفاشل كتير
لأن الناس بعيد جدا عن التفكير في مصلحتهم وحقوقهم وازاي يعرفوها علشان يطالبو بيها
بس مش لازم ننسي انهم معذورين في حاجه الجري علي الأكل العيش حد فاضي يعرف ايه الغلط ومين الحرامي