اسكتش تداخل القنوات

تداخل القنوات (1)مذيع النشرة سيداتى سادتى آنساتى السلام عليكم ورحمة الله وبركاته وأهلاً بحضراتكم معنا فى نشرة الأخبار الأولى لهذا اليوم وفى نشرتنا...
الطباخ: 3 أكلات جديدة ونوعين من الحيوانات بنقدمهم النهاردة ولست البيت وخصوصاً السيدات العاملات اللى بيعتبروا...
معلق الكرة: خط هجوم الفريق القومى اللى على إيدك الشمال والفريق القومى انهاردة بيتكون من خط هجوم.
المذيع:السادة الوزراء والمحافظين...
المعلق: وخط النص..
المذيع: كبار رجال الدولة...
المعلق: واللعيبة النهاردة...
المذيع: أدوا اليمين الدستورى وعاهدوا القيادة السياسية على وضع الشعب فى
الطباخ: حلة كبيرة قوى, وتفضيها خالص خالص وأوعى حاجة تخرج منها أمال وبعد ما تتأكدى من قفل الحلة تجيبى...
المعلق: 3 لعيبة فى خط النص...
المذيع: فى الوزارة القادمة التى تهدف أساساً إلى اتباع سياسة...
الطباخ: سد الحنك.. اعملى حسابك يا سيدتى إن سد الحنك من الأكلات المحبوبة خالص وخصوصاً عند ...
المعلق: الحكام الدوليين... الحكام الدوليين النهاردة على أتم استعداد لإدارة المباراة اللى بتقام تحت رعاية وزارة الشباب...
المذيع: وقد صرح السيد الوزير أن خطة الوزارة فى المرحلة القادمة تهدف إلى استغلال طاقات الشباب وكيفية تشغيلهم فى المشروعات الصيفية مثل مشروع...
المعلق: لم الكورة من ورا الأجوان وبيديها للجون لكن يا خسارة بتقع فى إيد...
المذيع: وزارة الداخلية والتى صرحت باعتقال عدد من المتطرفين وقالت أنها سوف...
الطباخ: هتدبحهم وتقطعهم وتفرمهم ولما تسويهم علطول هتقدمهم لـ...
المعلق: الحكم الدولى... الحكم الدولى مصمم على طرد اللاعب رقم 8 لأنه رفض...
المذيع: التصويت على استخدام القوات العسكرية ضد العراق وقال أن استخدام هذه القوات لإنقاذ مسلمى أفغانستان والمطالبة باستخدامها ضد ليبيا يعد بمثابة...
الطباخ: كوسة... الكوسة لازم تكون صغيرة علشان تقدرى تحشيها وبعد ما تقوريها علطول تحشيها بـ ...
المعلق: الجماهير العريضة اللى جاية النهاردة تستمتع...
المذيع: برؤية السيد الوزير وهو يتكلم وقد سيادته وجود علاقة بينه وبين أبو الهول وقال سيادته أنه قد تبين له أن الشعب يحتاج إلى قدر أكثر وأكثر وأنه ينفذ تعليمات...
الطباخ: أبلة نظيرة... وأبلة نظيرة زعلانة قوى قوى ...
المذيع: على المسلمين فى فلسطين حيث عبر المندوب عن استيائه الشديد من معاملة...
الطباخ: أم على... أم على أحسن حاجة تقدميها بعد الأكلات الدسمة دى... تجيبى...
المذيع: العالم العربى والعالم الأسلامى..
الطباخ وتحطيهم فى الفرن لمدة 10 دقائق وتقدميهم ...
المذيع: للنظام العالمى الجديد...
المعلق: اللى هيشوط برة أوت يا خسارة... يا خسارة...
الطباخ: باظت البصارة.. مش قولتلك متحطيش ملح كتير على البصارة على العموم تقدرى تسبيها زى ما هى وتقدميها...
المذيع: للمفاوضين العرب فى محادثات السلام العربية الإسرائيلية وقد صرح مندوبنا هناك أن الوفد الإسرائيلي...
المعلق: واخد الكورة وبيشوط صاروخ قنبلة...
المذيع: فى قلب العالم الإسلامى حيث استنكر سيادته عمليات القتل الجماعى التى يتعرض لها المسلمون فى بقاع العالم وعلى رأسها فلسطين وأفغانستان وطالب سيادته بتكاتف المجتمع الدولى من أجل إنقاذ...
الطباخ: صوابع زينب ... وطبعاً منتش عارفين إيه هى صوابع زينب على العموم ده نوع جديد من الحلوى واكتبى معايا يا سيدتى المقادير ... تجيبى...
المعلق: الحكام الدوليين...
المذيع: وأعضاء الكنيست الاسرائيلى..
الطباخ: وعلى طول تروحى رمياهم فى الزبالة.. وأى بواقى متسيبيهاش عندك علشان متعملكيش ريحة مش كويسة... وبعد كدة تحطى الخلط فى الـ ...
المعلق: الفريق الأجنبى اللى عامل لعبة خطيرة ومكارة بيلعبها...
المذيع: مجلس الأمن والذى رفض بقاء قوات حفظ السلام فى البوسنة والهرسك وقال أن هذه القوات قد صنعت أصلا لحماية ...
الطباخ: الكلاب... خللى بالك من الكلاب لأنهم لو شموا ريحة اللحمة على طول هيهجموا على...
المعلق: الجماهير اللى بدأت تنصرف بعد صفارة الحكم وبكده تنتهى المباراة بهزيمة الفريقين .
الطباخ: وبالهنى والشفا سيدتى ولقاءنا بكرة مع برنامج " لكى يا سيدتى ".
المذيع: وبهذا سيدتى آنساتى سادتى... تنتهى نشرتنا الأولى لهذا اليوم والسلام عليكم ورحمة الله وبركاته.
مذيع التليفزيون: سيدتى آنساتى سادتى بهذا نأتى لختام برنامجنا المفتوح وكل يوم مفتوح ونتمنى أن تكونوا قد سعدتم معنا ومع مسك الختام القرآن الكريم للشيخ...
إيه لسه بتصحوه... ماشى...
(يأتى الشيخ وعليه علامات النوم فيستعيذ ويسمى ويقرأ " قل هو الله أحد " ويهدده المخرج بأن ينهى وإلا...) [size=18">]......................عشان تفهم اللى انا عاوزه اقرا الازرق لواحده هههههههههههههههههههه[/size]

شكرا لمرورك الجميل ياسما.............