احنا ليه عملنا المنتدى ده؟؟؟؟؟؟؟؟؟؟؟؟

احنا ليه عملنا المنتدى ده؟

ياترى كام وحد سال السؤال ده؟
وياترى وجد جواب للسؤال؟

طيب انا اشتركت فى المتتدى ليه؟

ياترى ده حاجه مفيده ولا تضييع وقت والسلام؟

ياترى المتدى ده هايقدر يجمعنا فى يوم من الايام على رأى او على فكره نقدر ننفذها كلنا او حاجه غلط نقدر نغيرها حتى لو كانت الحاجه دى فينا احنا؟
ولا هانستنى السيدالمسئول او السيد العضو النايب المحترم لما يعملهالك؟

ياترى نقدر ننقل صوره حلوه عن شبراملس لكل الناس؟

اشتركت فى المنتدى عشان عرفت ان فلان صاحبك مشترك فيه او هو اللى قالك عليه؟

سمعت ان المنتدى فيه بنات وداخل تتعرف وتجرب حظك؟

طيب بعد مادخلت ياترى تفكيرك اتغير؟
رايك من راى صاحبك اللى عرفك بالمنتدى؟ ولا لك راى خاص بيك؟؟؟؟

طيب لو حاسس اننا كلنا نقدر نغير حاجه من هنا
ماتيجى نسال نفسنا الاول سؤال احنا بنحب بلدنا او قريتنا؟

احب فى الاول اعرفكم فكره المنتدى فى الاول لما عرفت من اصحابى هنا على فكره (انا فى السعوديه)
عرفت بحادثه حصلت فى البلد هو بالصدفه شافهاعلى النت

لفت نظرى الموضوع ان لما دخلت على النت مالقيتشى للاسف اى اخبار عن شبراملس غير حوادث واخبار مؤسفه
جميعنا يعلمها
لم اجد اى معلومه عنها غير الحوادث فقط
ياترى كل اللى موجود فى بلدنا حوادث بس سرقه وقتل وحشيش وبانجو وناس بتغرق فى البحر

طبعا معايا كلكم ان ماينفعشى ننكسف ونقول ياريتنى ماكنت من البلد دى
احنا بالفعل منها

بالعكس انا فخور انى منها بالرغم من اى حاجه
جايز مش فخور اوى بس نفسى افخر بها
مش عايز لما اقول لحد انا من شبراملس يقولى بلد الحشيش؟ ولا يقولى بلد الناس اللى بتموت فى البحر
طبعا زمان فيه ناس بتقول لوقتى الجدع ده بيشتغلنا ولا بيشغل نفسه

طيب سؤال وانا عارف ان الاسئله كترت
احنا ليه دايما بنتريق على بعض فى الحاجه الكويسه بس حتىاو عارفين من جوانا انها حاجه كويسه؟

سهل اوى لما حد يقول فكره حلوه او يتكلم بثقافه شويه فى القعده بتاعتنا كده مع بعض كلنا نتجمع فى صوت واحد
ايه ياعم الحاج انت هاتعيش الدور علينا بطل هجص
خلينا فى التهييس احسن

وياسلام لو الشخص نفسه قال نكته ولو قليله الادب او انه ضحك على حد او عمل مقلب فى حد
كلنا برده بنتجمع فى صوت واحد يابنضحك مبسوطين منه يابنشجعه اكتر قول كمان حتى لو هتكدب

معلشى لو كلامى مش مفهوم بس عارفين اللى انا متاكد منه ان حتى الناس اللى بتتريق عليك
وانت بتقول فكره حلوه او غريبه عليه
بيتريق عليك بس عشان يعجب الناس الموجوده معاكم وان كان من جواه سعيد بكلامك
بس للاسف كله بيضيع وسط الضحك والتريقه



السؤال دلوقتى اللى عايز كل واحد سال لنفسه؟
هانقدر نخدم البلد فعلا ؟
طيب ازاى؟
وايه اللى انااقدر اعمله كفرد؟
وايه اللى نقدر نعمله كجماعه؟

ياترى الخدمه هاتقتصر بس على النت ولا هانشوف ناس بتشارك بمجهودات فعليه
زى ايه ؟
طيب ايه ريكم نبدا بموضوع النظافه؟
غريب شويه صح؟
ياريت نحاول كلنا نناقش الموضوع ده على سبيل المثال
واللى عنده فكره ماينكسفشى منها




اعذرونى اذا كان الكلام غير منسق انا فجاه الموضوع جه فى دماغى
وان كانت له الاهميه الاولى من المنتدى
بس انا شايف ماشاء الله ان الاعضاء فى تزايد مستمر
عايزين نحدد اهدافنا ونشوف ايه اللى ممكن نعمله

شكرا لكم جميعا وشكرا لكل من لديه فكره بناءه

وللحديث بقيه ان شاء الله

انا دخلت المنتدى بناء على شخصيه موجود هنا اخدت الرابط واشتركت عادى
فى الاول اعتبرته منتدى زى اى منتدى عادى بننزل مواضيع وناس ترد وخلاص
لكن بعد كده غيرت الفكره دى خالص عرفت اننا ممكن نخدم البلد بجد ونغير حاجات كتير وحشه فيها
وده اللى بتمناه وان شاء الله هنقدر نعمله
والاهم انى قدرت افهم حاجات كتير عن البلد وعرفت ان لسه فى ناس كويسه بعد مابدات اشوف فيها كل شىء وحش
عرفت ان فى ناس لسه بتفكر صح
ناس بجد عايزه تخدم وتفيد البلد مش بتضيع وقت وتسلى وقتها

اما بالنسبه لموضوع النظافه
انما بشكرك يادكتور على طرحك للموضوع اولا
بعدين ياجماعه احنا لحد امتى هنستنى المسئولين يعملو حاجه
صدقونى اللى عايز يعمل كان عمل من زمان وطبعا لاحياة لمن تنادى مع المسئولين المحترمين بتوع البلد

احنا ليه مانعملشى كده من نفسنا
انت واو انتى ماتستنيش حد ييجى ينظف
ابدا تنظف حجرتك وبعدين اهتم بيتك لقيت اى قاذورات شيلها ماتنكسفشى ولا تتكبر صدقنى ساعتها اخوك او اختك وحتى والدك ووالدك هيعملو زيك
وهيعتمدو على نفسهم وساعتها هتلاقى منزلك انظف منزل فى البلد
وبعدين نظف المنطقه اللى قدام منزلك
وشوف جارك هيعمل ايه اكيد هيتعلم منك وهينظف هو كمان
وبعدين الكل يهتم والشارع يبقى انظف شارع فى البلد
شوف لو كل عضو فى المنتدى عمل كده كام بيت هيبقى انظف بيت فى البلد؟
كام شارع هيبقى نظيف كل وقت؟
ساعتها مش هنحتاج لمسئول يعمل حاجه
اما بالنسبه للحاجات اللى المفروض المسئولين يعملوها زى رصف الطرق وغيره
فربنا يسهل وينفذو ده فى الخطه الجايه بعد عمر طويل ان شاء الله

طبعا يادكتور انا بشكرك على الموضوع الجمييييييييل ده واعطاء فرصه للنقاش
وده مش جديد على حضرتك
وبشكر صدفه ومحمود على رايهم