اكتشاف أول حالة مرضية بشبراملس بأنفلونزا الطيور

أكتشف أمس أول حالة بانفلونزا الطيور فى البلد وكانت لشاب صغير من عائلة طاش
كان هو المسئول عن الطيور من أكل وشرب وكانت وزارة الصجة قد ارسلت
بمندوبين لها وأخذوا الشاب الى مستشفى طنطا لبداية علاجة وطهرو الشارع والمنطقة بالكامل
التى يسكن بها الشاب وعملو فحوصات لكل عائلته
باذن الله سنواليكم بالتفاصيل كاملة عندما يصل الينا أى أخبار جديدة أتمنى من العضو فتحى طاش
أن يطمنا على بن عائلته أذا كان لديه أى أخبار

اللهم ماشفيه ورجعه سالما الى عائلته وقريته

شكرا يا كومي ندعوا الله له بالشفاء العاجل ان شاء الله بس انت متاكد من موضوع انه مصاب بانفلونزا الطيور؟؟؟؟؟؟؟؟؟؟؟؟؟

شكرا يا كومي ندعوا الله له بالشفاء العاجل ان شاء الله بس انت متاكد من موضوع انه مصاب بانفلونزا الطيور؟؟؟؟؟؟؟؟؟؟؟؟؟

امين يارب أيوة ياثروت متأكد

أمين يارب

ربنا يشفيه ويشفى مرضانا ومرضى المسلمين

اللهم اشفيه واشفى مرضى المسلمين جميعا
وابعد عنا جميع الاوبئه يارب العالمين
اللهم امين

اللهم اشفيه واشفى جميع المسلمين والمسلملت.......................ده طبعا مؤشر خطر جدا وينبغى ان نتكاتف جميعا لصد هذا الخطر فلا بد لكل منا ان يجعل للقائمين على تربية الدواجن من اهله نشره باعراض هذا المرض على الطيور وكيفية ملاحظته عليه وكيفية التعامل مع الطيور..........وذلك بلبس كمامات وتطهير المكان وغلقه جيدا حتى لاياتيه العدوى من مصدر اخر وتقليل التعامل مع الطيور وعدم السماح للاطفال بالعب مع الطيور ومن كان عنده حمام فليتخاص منه على وجه السرعه فهو اكثر الطيور نشرا للمرض اذا انا من السهل عليه نقل العدوى من مكان الى اخر ..................نتمى الشفاء للجميع وانا ان شاء الله ساعرض لكم فى المنتدى الاعراض وكيفية ملاحظتها واكتشافها على الطيور والانسان

بسم الله الرحمن الرحيم

انا ناس قالولى الخبر ده فاسالت كذا من العائله قالولى ولد صغير من بيت احمد ابراهيم طاااش

لكن والله اعلم اشاعه بقااا ولا ايه
لكن مافيش لا كشوفات ولافحوصات حصلت عندنااا

ربنا يسترناااا ويشفى مرضانااا يااارب

ان شاء الله ربنا يسترها وان شاء الله هايقوم بالسلامة

فعلا يافتحى الولد صغير بس صدقنى الخبر صحيح مائة فى المائة انا قبل مانقلة سقلت شباب كتير ومن المنطقة بتاعته وصدقنى كمان طهرو الشارع بتاعه بالكامل وبيته وكمان هو فى مستشفى حميات طنطا الان

ايوه يااامحمد اكيد

هو ابن احمد ابن الحاج ابراهيم طاش الله يرحمه

ربنا يسترهاااااا يا كومى

امين يارب العالمين وبنا يسترها كمان فى انفلونزا الخنازير المدارس جاية والمرض هيزيد
استرها يارب

ربنا يشفيه ويشفى مرضى المسلمين جميعا ويبعد عنا الاذى اللهم امين

أمين يارافينا
شكرا لمرورك يارافينا

اللهم مامين

اولا
ربنا يشفى هذا الشاب سواء كان مريضا بانفلونزا الطيور او لا

ثانيا
شكرا يامحمد على مجهودك فى نقل الخبر

ثالثا
ياريت يا شباب نتجنب ذكر الاسماء والعائلات بقصد دفع الضرر عن اهل المريض
واكيد احنا متفهمين لكدا ونقدر نفصل بين ذكر الاخبار ومنع الاذي لبعض الناس


رابعا
لما اى عضو يكون متاكد من خبر ما
المفروض انه يكون معاه الدلائل على كدا
يعنى يا محمد انا شايفك متاكد!!!
هل انت شوفت نتيجة التحليل او اتكلمت مع الدكتور المعالج؟؟؟؟

مش معنى تطهير المنطقه والشارع يبقى الاصابه اكيد


اخيرا

احنا ممكن نكون مصدر الخبر بس ياريت نتذكر اننا ممكن نكون مصدر الاشاعه والاساءه لبعض الناس حتى لو الخبر صحيح

واكيد لو حد فينا اصيب ببلاء هايسئ ليه ذكر اسمه فى المنتدى


يقول الرسول صلى الله عليه وسلم

اذا بوليتم فاستترو


فياريت لما ننزل خبر نتجنب ذكر الاسماء

اولا يادكتور اشكرك على الرد
بس احب اعرفك حاجتين
لو تلاحظ فى كلامى انى ماجبتش اسم المريض قولت اسم العائلة فقط
ثانيا البيت اتطهر والشاب محجوز فى المستشفى
ثالثا انا اتاكدت من الخبر من اسالتى للناس المجاورة
رابعا انا حبيت اقول الخبر ده علشان كل القرية تخلى بالها وانت عارف يادكتور
ايه اللى بيحصل ناقصين ينامو مع الطيور
فلو عرفو ان فى حالة اكتشفت فى البلد اعتقد هياخدو الحذر

شكرااا ياا جماعه لاهتماامك بالخبر ربنا يشفى كل مريض

واتمنى غلق الموضوووع بالدعااااااااااااااااء

ااامين

محمد الكومى كتب:

اولا يادكتور اشكرك على الرد
بس احب اعرفك حاجتين


بس االلى انت قولته اكتر من حاجتين يلا مش مهم يلا هاستحملك علشان انت متعصب فى الرد



لو تلاحظ فى كلامى انى ماجبتش اسم المريض قولت اسم العائلة فقط

انا مش شايف اسم العائله افاد اى شئ فى الموضوع وحتى لو مش ذكرت الاسم نفسه بل بالعكس انت مش اسأت لشخص واحد بس


واكيد انت عرفت برده ان الموضوع اشاعه زي ما الاستاذ ثروت نزل موضوع بكدا


ثانيا البيت اتطهر والشاب محجوز فى المستشفى

مش معنى ان البيت اتطهر يبقي الاصابه موجوده بالفعل
وانا مش ضد الكلام دا كله ولا ضد نقلك للخبر وانا شكرتك على كدا
بس كل الحكايه ان الموضوع اشتباه فقط مش اكتشاف زى ماحضرتك كتبت فى العنوان
واكيد انت انسان متعلم وفاهم الفرق بين اللفظين


ثالثا انا اتاكدت من الخبر من اسالتى للناس المجاورة

هو الناس دى متخصصين مثلا


رابعا انا حبيت اقول الخبر ده علشان كل القرية تخلى بالها وانت عارف يادكتور

وزى ماقولت قبل كدا انا مش ضد نقل الخبر
لكن ضد اننا نكون مصدر او بنساعد فى نشر الاشاعه بدون الاخذ بالادله


فلو عرفو ان فى حالة اكتشفت فى البلد اعتقد هياخدو الحذر

بكررها تانى يامحمد شكرا على نقلك الخبر وان كان من مصادر غير موثوق منها

بس ياريت مش نسبب اذى للناس بذكر اسماءهم او ذكر عائلاتهم مع العلم بعدم افادة ذكر الاسماء

واتمنى قفل الموضوع حيث انها طلعت اشاعه والحمد لله