إتعلمي من عنايات إزاي تشدي إنتباه الشاب

الشاب ينزل و يلم المكتبة إلي وقعت من البنت..و يقولها
: أنا آسف ما كنش قصدي



البنت تبصله بصت إعجاب و تقوله
: لا عادي و لا يهمك


الشاب يبادلها بنظرة إعجاب تانية



و المشهد يخلص
و نلتقي في الحلقة القادمة




و طبعا لو هنكمل المسلسل ....الشاب هيتجوز البنت عرفي ..و البنت تبقى حامل و أهلها يعرفوا
و الشاب يقولها دا لا إبني و لا أنا أعرفه
و في آخر حلقة الشاب يقتل البنت



طيب ...خلونا في الخبطة إلي في الأول و سيبنا من المسلسل دا



هو مين إلي بيتعمد بيخبط في التاني ...البنت و لا الشاب؟؟



فالنفرض الشاب تعمد وراح يخبط البنت و ما فيش حاجه وقعت من البنت...



هيعمل إيه الشاب بسلامته!!



مش بعيد البنت تبصله بصحة إستحقار من فوق لتحته برموشها
النظرة دي لواحدها ممكن تخلي أي شاب قلبه ضعيف يتنتحر
ربنا يبعدكم عنها
ههههههه



طيب لو الشاب هو إلي وقع منه حاجات...البنت ممكن تساعده!!؟

معنا كدا خبط الشاب للبنت وسيلة فاشلة للتعارف


يعني خبطة الإعجاب دا وسيلة من وسائل البنت للتعارف...




طيب تعالوا نشوف المشهد تاني


عنايات تجهز نفسها و تشتريلها 6 أقلام أو تلم أقلام البيت إلي فاضية


على 3 دفاتر فاضيين


عنايات تحدد الهدف إلي هتخبطه


عنايات تحدد وقت و مكان الإصطدام



[size=25]تراخ!!!



الأقلام و الدفاتر يتناثروا على الأرض



الشاب المسكين ينزل و يلم الأقلام إلي مش عارف إنها فاضية


عنايات تاخد منه حاجتها بالتصوير البطيء و هي مبتسمة: مرسي


الشاب يا عيني قلبه يقع في رجله


عنايات : مرسي على تعبك ..معلش ما كنش قصدي


الشاب كبدته و كليته يقعوا في رجله



و يخلص المشهد و عنايات فرحانه إن الشاب أعجب بيها


و تمشي و هي بتحضن الكتاب زي الدبدوب على السرير


و الشاب المسكين إلي ماشي و بيجر قلبه مش مصدق نفسه


و يكتشف بعد كدا إنه إدالها كتابه الوحيد إلي كان في إيده على إنه بتاعها



طبعا عنايات ما صدقت كمان و أخدت كتابه....

مش بعيد تبقى متعمده عشان يبقى حجه...

لأن الكتاب 500 صفحة و وزنه ما يقلش عن كيلو أو
كيلو و نص...تقريبا كان 1200 جرام


أنا حاسس إني قلبتها محل فراخ
هههههههههههه



طيب معلش تعالوا نعيد المشهد تاني.....


كلخنتعلجطيعلميىلتلحثةرتبميررن ( بعيد الشريط ما تخافوش ما خرفتش و لا حاجه)



عنايات تجهز نفسها كويس بالكتب و الأقلام ...


عنايات تحدد مكان و وقت الإصطدام



ثم.....



تراخ!!



المكتبه تناثرت على الأرض


الشاب نزل يساعدها ...


بس



الشاب ما بصلهاش!!



آه...



عنايات تعمل إيه ساعتها!!؟



تروح تاني و تحاول تخبطه بسرعة أكبر...معلش كله بثوابه..



عنايات تحضر نفسها ب12 قلم و 6 دفاتر المرادي


عنايات تحدد مكان و وقت الإصطدام


و تمشي بسرعة 120 كيلو

تراخ!!



ياعيني الشاب كوعه وجعه و جه في وش عنايات


عنايات مناخرها خرت دم ....


الشاب محتاس يا عيني يعمل إيه


هيحاول يساعدها..و ياخدها على الحمام و يجبلها مناديل ..يعني مافيش فرصة أفضل من كدا عشان تشد إنتباهه




طيب نفرض إن الشاب ما إتأثرش بيها أو إدالها إهتمام...



هتعمل إيه تاني عنايات؟...هنقول ما فيش أمل!!


لسه في أمل




تروح و تجري وراه و هو راكب عربيته و تطلع عالطريق السريع في وش عربيته مره واحده


طبعا هو مش هيلحق يفرمل و هيطيرها في الجو


عنايات هتطير و تلف عشر لفات في الجو و تقع و رجليها مكسورة


الشاب هينزل من العربية عشان يلحقها و هيطلب الإسعاف


و هروح المستشفى معاها ....


عنايات هيركبولها مسامير في رجليها


و الشاب هيسهر معاها في المستشفى


أظن ما فيش أحسن من كدا




طيب فرضنا الشاب خبطها بالعربية و هرب!!



هتعمل إيه ساعتها؟؟



خلاص يبقى مافيش غير إنها تطلع على سطح الكلية و تحدد الهدف كويس


و تنط عليه من فوق....


الشاب هيلحقها و هيمسكها


مافيش فرصة أفضل من كدا....




طيب فرضنا الشاب ما لحقهاش!!



يبقى خلاص عنايات ماتت و نقرأ الفتحة على روحها

هههههههههههههه




طيب أنا ليه بكتب الموضوع دا!!
أنا بكتب الموضوع ردا على الناس إلي بتقول إن البنت مسكينه و مش بتقدر تعبر عن مشاعرها و تقول إنها معجبه بشاب معين
عشان عادات المجتمع.....
في حين البنت ليها وسائل تانيه كتير غير متاحه للشاب
بتقدر من خلالها تعبربإعجابها بالشاب
زي ما شوفنا عنايات
إيه يعني لو مناخرها خرت دم أو أسنانها تكسرت أو ركبولها مسامير في رجليها
و هو الشاب دا شوية
أكيد كان مهند
ههههههههههههههههه



مش عارف حاسس إني بخرف جامد
هههههههههه



يلا معلش...بس مش عايز حد يفهمني غلط و يقولي إنت قاسي على البنات


دي كانت قصة مهند و عنايات مركزه
ههههههههههههه



و دمتم سالمين

قصة منقولة

ههههههه
ايه ياكومى الروعه دى
بس على فكرة مش اى شاب
بس لو شاب من بتوع اليومين دول
ماقولكشى بقا
ربنا يسترها

أولا ازيك يامحمد يامين انا متشكر جدا لاول رد ليك
وزى ماقولتلك اتمنى تشعلل المنتدى بافكارك الجميلة

نيجى لسما نرد عليها
شكرا ليكى جدا ياسما على مرورك
بس عايز اقولك عمر ماكان الحب بالاسامى ولا بالحلاوة
ممكن يكون اجمل شاب ويختار بنت مش حلوة
هوه شاف فيها مواصفات قال هيه دية اللى تسعدنى
والبنت من رئى انا وانا يوم مارتبط ده اللى هاعمله ان شاء الله
أدب وأخلاق ثم أدب وأخلاق ثم أدب وأخلاق ثم جمال

نيجى بقى لااحمد رياض شكرا جدا ياحمد لمرورك
وماشى ياعم يعنى ماعدشى فى شباب كده
والله فيه لسه شباب غلبان على نياته

بجد عنايات فاضيه خالص وبصراحه مش كل صوابعك زى بعضها

بس شكرا على النصايح اللى فى القصه