| حنــــــان الحبيب ما اروعك يا رسول الله | |
|
|
كاتب الموضوع | رسالة |
---|
fathytash المشرف المميز
عدد المساهمات : 684 نقاط : 1285 السٌّمعَة : 0 تاريخ التسجيل : 12/09/2009 العمر : 36 العمل/الترفيه : biomedical engineer المزاج : اتفرج عالاهلى واشمت فى الزمالكاويه
| موضوع: حنــــــان الحبيب ما اروعك يا رسول الله الثلاثاء سبتمبر 15, 2009 8:46 am | |
| **@** حنــــــان الحبيب **@**
أنا عايز أكلمك النهاردة هو حبك قد إيه!!
عايز أكلمك إن أكبر حب حبه مخلوق لمخلوق هو الحب اللى الرسول حبه ليك!!!
ممكن مايكونش هو أكتر واحد إنتى حبيتيه في حياتك...لكن إنتى أكتر واحدة هو حبك في حياته عليه الصلاة و السلام!!
و أنت أكتر واحد هو حبه في حياته عليه الصلاة و السلام..
بتحبه قد إيه؟؟ اللى قدم مليون برهان على إنه بيحبك...إنت قدمت كام برهان على إنك بتحبه؟؟
بتحبه قد إيه؟؟ اللى ياما دموعه سالت عشانك إنت ...أنت كام مرة بكيت عشانه؟؟
أنا نفسي حب الرسول يبقى مالى عليك حياتك..يبقى نفسك تشوفه في رؤية قبل ما تموت ....عليه الصلاة و السلام.
ما أشتقتلوش!!! ما وحشكيش!! مش نفسك تقعد معاه عليه الصلاة و السلام!!
أنا حكلمك النهاردة عن حنــان النبي عن موقعك في قلبه كان عامل إزاى حكلمك عن حنان النبي مش رحمته....الرحمة ممكن على المسكين إنما الحنان ده أم و أب على ابنهم..
حنانه في زوجاته يا كل واحدة نفسك في زوج حنون حنانه بالجماد حنانه باللى آذوه و اللى ظلموه حنانه بالعصاه و المكسورين حنانه بكل فقير و كل يتيم و ضعيف
* * * * *
أول حاجة حكلمكم عنها حنــــــــانه بالجماد ..
النبي عليه الصلاة و السلام في خطبة الجمعة..الصحابة عملوله منبر ...النبي طلع و القبائل اللى حوالين المدينة و الصحابة كلهم إلتفوا حوالين النبي عليه الصلاة و السلام على المنبر ...النبي إبتدى يتكلم عن الدين و نصرة الدين و يتكلم عن ربنا و الكل إنفعل معاه و الكل منصت معاه..
و فجأة!!
يسمعوا صوت حد بيتألم ..في صوت بكاء في المسجد .في صوت ألم في المسجد
و قدام كل الصحابة ينزل الرسول صلى الله عليه وسلم من على المنبر.. ويقطع حاكم الدولة الخطبة بتاعته من على المنبر و ينزل !!
و يفاجئوا إن الرسول راح على جزع الشجرة اللى كان بيخطب عليه قبل ما المنبر يتعمل و يحضنه رسول الله...أول ما الرسول يحضن الجزع ...الجزع يكسن تماما ..
اللى كان بتالم من شوية هو الجزع؟؟؟
الرسول عليه الصلاة و السلام يقولهم : "والله لولا أني إلتزمته لظل يبكي إلى يوم القيامة " وفي رواية "لظل يحن إلى يوم القيامة"
الجزع إشتاق لرسول الله ......و انت ما أشتقتلوش!! الجزع بكى على فراق رسول الله .......و أنت بكائك على فراقه قد إيه!!
و المشكلة مش إن الجزع يحن على النبي أو يبكي على النبي ...لكن المشكلة إن النبي يحن للجزع !!
رسول الله ...حاكم الدولة... قائد الأمة..يسيب منبر الجمعة و ينزل عشان جمـــــــــــاد؟؟
* * * * *
زى ما كان في سفريه عليه الصلاة و السلام و كان فيه عصفورة صغيرة ولدت فرخين ...الصحابة خدوا الفرخين بتوعها ..قعدت ترفرف النبي عليه الصلاة و السلام قالهم : " من فجع هذه بولدها , ردوا إليها ولدها "
حنــــــــــــانه بعصفور يا جماعة ..كأنهم ولاده مش ولادها عليه الصلاة و السلام.
* * * * *
أن عايز أكلمك النبي بكى عشانك قد إيه؟؟
دموع النبي سالت عشاننا قد إيه؟؟...لما كان ليلة كاملة من العشاء للفجر قاعد يصلي و يبكي 10 ساعات ..يصلي و يبكي
و يدعيلك أنت..و يدعيلك أنتي لما قرأ قول الله "إِن تُعَذِّبْهُمْ فَإِنَّهُمْ عِبَادُكَ " (المائدة : 118) فضل يبكي و يدعي ربنا إن ربنا يرحمنـــا
أبوكي ما عملهاش معاكي ..أحب حبيب ليك في الدنيا ما عملهاش معاك ..
* * * * *
أنا عايز أكلمك عن حنــانه بكل مذنب و عاصي و مكسور
النبي عليه الصلاة و السلام قاعد في المسجد و الصحابة حواليه بيتكلموا عن ربنا و عن الآخرة و عن الجنة...و الكل منفعل و الكل قلبه في السما
فجأة...
يدخل شاب فجأة يرمي قنبلة...شاب يدخل يقول يا رسول الله ..فالكل يتلتفت إليه ...ائذن لي في الزنــا ؟؟؟
زنـــــــــا؟؟
ده لو راح قالها لأبوه أبوه يقتله... ده لو واحد طلع لخطيب الجمعة يوم الجمعة و قاله الكلمة دى الناس ترميه بره الجامع!!!
تخيلوا يا جماعة...كل الناس إتلفت حواليه...إبعد من عندنا ..ابعد من وسطنا مش عايزينك معانا
الرسول عليه الصلاة و السلام ما قلوش إبعد..الرسول قاله : "ادنو" ...قرب...قرب مني
الرسول عايز يقربك...الرسول عايز يضمك...الرسول عايز يوصلك لربنا سبحانه و تعالى
الرسول قاله كلمة بتتفجر بطوفان حنان " قرب مني"
مش نفسك تسمعي الكلمة دى من رسول الله؟؟
مش نفسك تسمعها منه و أنت على الحوض يوم القيامة؟؟
نفسنا يا رسول الله
كل أمتك محتاجين الكلمة دى منك يا رسول الله
"قرب"
الشاب ده مشكلته إية؟؟؟ الشاب ده من كتر المعاصي قال أنا لا يمكن أتغير ..
رايح للنبي يقوله يا رسول الله أنا لا يمكن أتغير..
الحل الوحيد يا رسول الله عشان أدخل الجنة مش إني أنا اللى أتغير...الحل الوحيد إن الدين هو اللى يتغير !!!
أمال إنت جاي ليه؟؟؟
جاي لإني مش قادر..جاي لإني خايف من ربنا سبحانه و تعالى ...مهما عصيته خايف منه ...
الشاب ده يا جماعة في دقيقة واحدة مع رسول الله صلى الله عليه و سلم
بضمة واحدة من رسول الله صلى الله عليه و سلم
الشاب ده يا جماعة خرج بقى طاهر القلب ناسي تماما أي حاجة تتعلق بالزنا...
ليه؟؟ النبي أقنعه ؟؟؟
لا يا جماعة مش بس كده...لأنه فوجئ إن في حد بيسمعه ...
فوجئ إن النبي بيحبه كل الحب الرهيب ده
ما كانش متوقع إن في حد بيحبه للدرجة دي.. إن في حد مش هيحتقره و هيحتقر مشكلته
و إن في حد هيقربه منه ... | |
|
| |
fathytash المشرف المميز
عدد المساهمات : 684 نقاط : 1285 السٌّمعَة : 0 تاريخ التسجيل : 12/09/2009 العمر : 36 العمل/الترفيه : biomedical engineer المزاج : اتفرج عالاهلى واشمت فى الزمالكاويه
| موضوع: رد: حنــــــان الحبيب ما اروعك يا رسول الله الثلاثاء سبتمبر 15, 2009 8:47 am | |
| امانه اللى يدخل يقراااهااا للااخر | |
|
| |
سما المساعد المميز*
عدد المساهمات : 1462 نقاط : 12012 السٌّمعَة : 2 تاريخ التسجيل : 24/06/2009 العمر : 35 الموقع : فى ارض الله وتحت سماؤه وبين خلقه العمل/الترفيه : طالبه المزاج : تمــــ الحمد لله ـــــام
| موضوع: رد: حنــــــان الحبيب ما اروعك يا رسول الله الثلاثاء سبتمبر 15, 2009 9:37 am | |
| مشكووووووووووووور جدا يا استاذ يافتحى عندك حق مهما حد كان حنين عليك حتى الام والاب عمرهم ماهيبقو زى النبى عليه افضل الصلاه والسلام فحنان الحبيب اروع بكثير بجد شكرا على الكلام الجميل والافاده الطيبه منتظرين المزيد | |
|
| |
fathytash المشرف المميز
عدد المساهمات : 684 نقاط : 1285 السٌّمعَة : 0 تاريخ التسجيل : 12/09/2009 العمر : 36 العمل/الترفيه : biomedical engineer المزاج : اتفرج عالاهلى واشمت فى الزمالكاويه
| موضوع: رد: حنــــــان الحبيب ما اروعك يا رسول الله الثلاثاء سبتمبر 15, 2009 9:41 am | |
| شكراا ياا انسه سما على ردك الجميل
ومين فى الدنيا يكون جزء من النبى عليه الصلاة والسلاام
فداك ابى وامى يارسول الله | |
|
| |
dr sarhan Admin
عدد المساهمات : 647 نقاط : 11972 السٌّمعَة : 1 تاريخ التسجيل : 18/06/2009 العمر : 41 الموقع : sarhan2272@yahoo.com العمل/الترفيه : pharmacist المزاج : الحمد لله
| موضوع: رد: حنــــــان الحبيب ما اروعك يا رسول الله الثلاثاء سبتمبر 15, 2009 10:08 am | |
| شكرا ليك يافتحى موضوع جميل عن نفسى قراته كاملا الحمد لله لانه بجد شدنى | |
|
| |
???? زائر
| موضوع: رد: حنــــــان الحبيب ما اروعك يا رسول الله الثلاثاء سبتمبر 15, 2009 7:11 pm | |
| شكرا ليك يافتحى موضوعك جميل وباين كدة هتبقى عضو مؤثر فى المنتدى ربنا يوفقك يارب
فداك أبى وأمى ياسيدى يارسول الله |
|
| |
fathytash المشرف المميز
عدد المساهمات : 684 نقاط : 1285 السٌّمعَة : 0 تاريخ التسجيل : 12/09/2009 العمر : 36 العمل/الترفيه : biomedical engineer المزاج : اتفرج عالاهلى واشمت فى الزمالكاويه
| موضوع: رد: حنــــــان الحبيب ما اروعك يا رسول الله الأربعاء سبتمبر 16, 2009 1:50 am | |
| شكراااا ياااحلى اعضاااء منتدى
على احلى مرور | |
|
| |
ahmed reyad عضو نشيط جدا
عدد المساهمات : 105 نقاط : 1138 السٌّمعَة : 0 تاريخ التسجيل : 14/09/2009 الموقع : the_knight144@yahoo.com العمل/الترفيه : عاشق الريدز(ليفربوول) المزاج : الحمد لله
| موضوع: رد: حنــــــان الحبيب ما اروعك يا رسول الله الخميس سبتمبر 17, 2009 2:15 am | |
| شكرا ليك يافتحى على موضوعك الجميل ده بجد انا قريته للاّخر ربنا يوفقك | |
|
| |
fathytash المشرف المميز
عدد المساهمات : 684 نقاط : 1285 السٌّمعَة : 0 تاريخ التسجيل : 12/09/2009 العمر : 36 العمل/الترفيه : biomedical engineer المزاج : اتفرج عالاهلى واشمت فى الزمالكاويه
| موضوع: رد: حنــــــان الحبيب ما اروعك يا رسول الله الخميس سبتمبر 17, 2009 7:08 am | |
| جزاك الله خيرااا يااعم احمد | |
|
| |
ابراهيم المخترع المراقب المميز
عدد المساهمات : 1069 نقاط : 1135 السٌّمعَة : 0 تاريخ التسجيل : 09/09/2009 العمر : 52 العمل/الترفيه : ملك الكهرباء المزاج : الحمد لله
| موضوع: رد: حنــــــان الحبيب ما اروعك يا رسول الله السبت يناير 08, 2011 2:41 pm | |
| | |
|
| |
ابراهيم المخترع المراقب المميز
عدد المساهمات : 1069 نقاط : 1135 السٌّمعَة : 0 تاريخ التسجيل : 09/09/2009 العمر : 52 العمل/الترفيه : ملك الكهرباء المزاج : الحمد لله
| موضوع: رد: حنــــــان الحبيب ما اروعك يا رسول الله السبت يناير 08, 2011 2:41 pm | |
| | |
|
| |
| حنــــــان الحبيب ما اروعك يا رسول الله | |
|