كانت نهاية........مهندس /عبدالعليم سرحان

كانت نهاية كنت عارفها لحظة فراقنا عارفها شايفها
ايام هوانا بقت دخان قلوبنا دابت من الاحزان وقلوبنا تعبت شوق واهات
وعيوننا دبلت من الدموع.كانت حياتنا فراق ورجوع.
مسيرنا نفارق ومانرجعش.عيوننا تتلاقى وماندمعش.
مسيرى اشوفك ومش هانهار.ايامى هايرجع ليها نهار.
وارجع دنيا اتسرقت منى.3وابنى حلم كان انهار.
وشى هاييجى فى وشك وماحسش بية.خليكى انتى فى عشك وسيبيلى عشى ابنية.
وعلشان ارتاح واقدر انساكى.خدى يللا من قلبى هواكى.خدى ملامحك من جوة خيالى.خدى الذكرى وسيبينى فى حالى.
وهاتى صورتى من جوة عنيكى.وانسى القلب اللى كان عايش بيكى.
انسى دموع نزلت مرة.انسى ايامنا حلوة ومرة.وعيشى حياتك انا مش ليكى
لو كان اللى بينا قصة يللا قولى النهاية لو كانت مسرحية نزلى الستار
لو كان اللى بينا جرح يللا اكوية بالنار.لو كان اللى بينا صرح خلية بقى ينهار
لو كانت قصتنا دموع خللى الدموع تجف.لو كانوا حبة جروح يلا اهى بدات تخف.

شعر جااااااامد
تسلم ايدك

كنت سعيد انك المرة اللى فاتت علقتى على مقطع معين دة دليل انك قراتية كويس



انما المرة دى حاسس انك بتكتبى رد عادى
لمجرد انك بتردى جبر خواطر
على العموم
ميرسى جدااااااااااااا

يمكن عشان المره دى اجمل مقطع كلها على بعضها
بجد جميله
اجمل حاجه ان الواحد يكون عنده موهبه وينميها مايسيبهاش مدفونه
تسلم دماغك

عندك حق يادكتور
انت اشعارك كلها اجمل من بعض
وانا بهتم انى اقراها كويس كلها عشان كلها بتعجبنى

نتمنى المزيد

انت دايما هايل يا بشمهندس
يعنى مش جديد عليك الكلام الجميل ده
ياريت تورينا اكتر

هايل جدا يابش مهندس بس ليه اشعارك كلها حزينه اتمنى اقرأ لك شعر رومانسى ياريت تحقق لى الامنيه دى وبجد انت احساسك عالى جدا