هل الحب الثانى يمحى الحب الاول؟

الموضوع دى محيرنى جدا وياريت تشاركونى اراءكم انا حقيقى مش شايفه اى فرق بين الحب الاول والثانى من ناحية المشاعر الا فى حاله واحده ان الحب الاولده كان صامت يعنى صاحبه ما مرش بتجربته يعنى ظل جواه وبس فى الحاله دى الحب الثانى عمره ما يمحى الحب الاول حتى لوحدث زواج فى المره التانيه دىلكن فى حالة اذا عاش الشخص الحب الاول وحصلت ظروف منعت استمرارهيبقى مفيش فرق
يعنى لو ماستمرش الحب التانى هيبقى بالضبط زى الحب الاول بنحمل له الذكريات والآلاموفى الحاله دى يبقى اساسا لاكان فى حب اول ولا تانى
يعنى من الآخر مفيش حب فى بنات وشباب بيدوروا على السعاده والراحه والطمانينه بس بشكل غلط يعنى مش صح دى رايى واود ان اعرف اراءكم وانا بجد سعيده جدا انى اصبحت احد افراد المنتدى

فى البدايه مرحبا بكى ياصدفه فى المنتدى واحنا سعداء اكتر بانضمامك للمنتدى
بالنسبه لموضوعك اللى فهمته انك بتقولى ان الحب التانى لو مر بنفس ظروف الحب الاول بيبقى زيه يعنى مفيش فرق
وبالتالى مافيش حاجه اسمها حب اصلا وان كل الناس بتدور على الراحه والطمانينه.....ده اللى انا فهمته من كلامك
انا متفق معاكى ان ممكن يكون الحب التانى او التالت او المالا نهايه يكون احسن من الحب الاول وخصوصا لو كانت الظروف
لصالحه ده غير انه بيكون فيه تحكم العقل كمان وانا شايف ان دى نقطه مهمه جدا ان لو القلب والعقل اتفقو على شخص واحد
بيكون حب موفق جدا وفى الغالب بينتهى بزواج سعيد
على عكس الحب الاول اللى فى الغالب بيكون ميل للقلب بس شويه احاسيس جميله الواحد بيحس بيها بنكون شايفين بس
المزايا وبنتغاضى عن اى عيوب او مابنكونشى شايفينها اصلا لحد مابيجى الوقت اللى بتتحكم الظروف فيه اكتر
وفى الغالب طبعا بينتهى بالفشل
بس طبعا ده مايمنعشى ان الحب الاول حلاوته فى انه اول احساس الواحد بيعيشه وبنفضل فاكرينه لان حاجات كتير اوى بتحصل
لاول مره سواء انتهى بالفشل او لأ

انا مش قادره اعبر كويس عن اللى انا شايفاه بس تقريبا يا دكتور حضرتك قلت اللى انا اقصده وشكرا جدا على التعليق الجميل ده

اهلا بيكى ياصدفه نورتى المنتدى
انا شايفه ان الانسان حب مره وقال ده حب اول ورجع جب تانى وقال ده حب تانى ممكن يحب تالت ورابع وكتير0
وده كله ممكن اى حاجه تمحيه
لكن الحب الحقيقى بيحصل مره واحده بس ومستحيل نسميه اول اوتانى ومستحيل اى حاجه تمحيه
وساعتها مش بنفتكر اى حاجه حصلت قبله ولا هنقبل بحاجه بعده
يعنى الاول والتانى ده مش اسمه حب بيبقى اعجاب
يعنى الحب اسمه حب بس مش ممكن اى حاجه تمحيه

واللة انا شايف ان ممكن الانسان يحب اكتر من مرة مادام فية حد يستاهل الحب دة
ممكن الاول بنفتكرة لان بيبقى حصل حاجات جديدة ماجربنهاش بس ولما يييجى الحب التانى كل حاجة فية بنقارنها بالاول

وممكن الحب التانى يبقى اشد من الاول

وشكراااااااااااااااااااا

..................اذا اردنا ان نجيب على هذا السؤال لابد ان نعرف اولا معنى الحب
فاالحب شعور ينتاب الانسان تجاه شخص ما يحس بانه هذا الشخص اقرب شخص اليه فى كل شىء احاسيسه مشاعره افكاره طموحاته حتى تخيلاته فاذا ماوجدنا اثنان على هذا النحو من المعرفه والتفاهم فحينها نجزم بانهما يحبان بعضهما البعض ذلك طبعا الى جانب المشاعر العاطفيه التى تختلف من شخص لاخر كمفهوم التضحيه والوئام والالفه والايثار والاحساس با نه لايوجد انسلن على وجه الارض يحمل مواصفات حبيبه اويقترب منها بل ويمتد الامر احيانا الى تمنى الموت فداء لمحبوبه ومحاولة ارضائه بشتى الطرق وكافة الوسائل اذاتوفرت هذه الاشياء فى شخصين على النهج الذى سردناه الى جانب الصدق فى المشاعر وتبادل الادوار فيما بينهم حيث يريد المفدى ان يكون فداء والصحيح ان يكون عليلا لشفاء علة حبيبه .....اذاحدث ذلك فلن يكون هناك مكان لحب اخر حتى ولو لم يكتب لهم النهاية الماموله ..وستسير عجلة الحياة وربما يتزوج باخرى ويحمل لها كل مشاعر الود والمحبة المختلطه بحقوق الزوجية التى تربطهما ببعض............ويبقى الحب الاول هو الحب الحقيقى الذى تذكره فيما بعد وتظل تتضحك حتى تسال عن سبب ضحكك فلا تجيب؟؟؟؟؟؟؟؟؟؟؟؟

بصى ياصدفه الحب معانى جميله جدا بيرتب بيها شخصان من اخلاص ووفاء واحاسيس ومشاركه فى كل شىء مايختلفوش عن بعض كتير دامعنى الحب عندى
بس الحب الاول هو اجمل حب لان المشاعر فيه بتكون صافيه وطاهره والانسان اللى بيحب لاول مره بيحاول يدى لحبيبه كل حياته
اما الحب التانى بيكون الانسان اللى بيحب لتانى مره مر بظروف وتجارب وفهم كتير واتعلم حبه مابيكونش نقى زى الاول
فالحب الاول بيفضل عايش جوانا حتى لو حبينا الف مره
بس لازم يكون الحب الاول حقيقى مش اى كلام وشكرا ليكى على الموضوع الجميل دا

اكتر راي من وجهة نظري انه صح هو راي سما والله اعلم
ولذالك مافيش داعي للأستعجال هييجي الحب اللي ان شاء الله هيبقي الأول والأخير حتي لو مكملش
وياريت يكون زي ماذكر الكتور احمد يكون ياتفاق العقل والقلب هترتاح اكتر بدل من ناحيه واحده من ناحية القلب لوحده
بعد فتره بتشوف العيوب ويبدا عقلك يشتغل بعد ماكنت راكنه
اما العقل ممكن يكمل ويبقي فيه جواز بس فيه احتما انه يحصل ميل للقلب ناحية واحده تانيه بس ده هيكون سببه اهمال من التي احببتها بالعقل لأنك مكنتش مشغول بغيرها ومع ذالك معرفتش تكسب قلبك
باختصار الحب الصادق يمحي اثر كل ماليس بحب لأنه حب واحد لاأول ولا تاني النبي صلي الله عليه وسلم احب السيده عائشه وتزوج عليها
ومش قاصد طبعا انك تحب واحده وتروح تتجوز عليها وتقول النبي ص عمل كده لأن كلنا عارفين ده كان لأسباب

اختلف معاكى ياصدفه

فى فرق كبير بين الحب الاول والثانى

الحب الاول لانه ذى مانتى قلتى انه اول تجربه فبيكون صادق فعلا مبيتحكمشى فيه اى عقل او ظروف بيكون صافى ومن

القلب بجد بيكون ذى الطفل الصغير بريئ لسه ماتعلمشى الغش ولا الخداع من البشر اللى حوليه

اما الحب الثانى بيكون فى الغالب نتيجه للحب الاول اما انتقام او اثبات للذات او اى سبب يعنى بيدخل فيه العقل بنسبه اكبر من

القلب

وانا شابف ان الحب لازم يكون نابع من القلب مش من العقل