اذا كنت بتحب؟ ادخل انا هخطبهالك

حبه تشركونى بأرائكم فى موضوعى لانه موضوع مهم جدا بالنسبه لكل الشباب والبنات وحبه اعرف رايكم فى وياريت يكون فى نقاش بينا
اهلالالالا انتوا جيتوا فينكوا من زمان؟
موضوع النهارده عن الحب .. ييييييييييييييه هو انتوا مبتزهقوش
لا انا اكتر واحده بتزهق .. بس صدقوني النهارده غير
كل يوم.......

تعالي يا آدم لرحله صغيره هنطلعها سوا بس يارب تستحملني ونكمل المشوار

بتحب؟!
قوي؟!

قولتلها انك بتحبها؟
وكان رد فعلها ايه ؟

هي كمان طلعت بتحبك.. مممممممم
وبعدين؟

لا ازاي الحب فيه بعدين
زي انكـ هتعمل ايه بحبك ليها

ولغايه ما تقدر تتقدم هتعمل ايه ؟
سكت يعني .. متخافش مني ..
انا انسان برضه واكيد هيجي يوم هحب واتحب بس الفرق بينا اني حسبتها صح .. قولي بس ناوي علي ايه وانا اعلمك تحسبها صح
مممممم هتقضيها مكالمات وحوارات واحيانا مقابلات

واهلها عارفين؟

يدبحوها مش كفايه .. مممممممممم
وياتري لما بتقولك بحبك بتصدقها؟
طيب ازاي وانت ساعدتها تكدب علي اهلها؟
حتي لو الاهل تفكيرهم رجعي من وجه نظرك يبقي البنت اقل منهم تفكير لانها اختارت تحل المشكله بالكدب وانها تستغفل اهلها

تعمل ايــــــــــــــــــــــــــــــــــه ؟!

صدقني هو ده اللي انا جايه علشانه.. بتحبها قوي ومعاك في الجامعه - في الشغل- في الشارع -
في اي مكان مش هقولك بطل تحبها لان محدش يقدر يشيل الشعور ده من جواك.. انت بس بنفسك تقدر تتخطاه..

او.. توظفه في الحلال
ازاي؟! .. اولا لازم تحط في اعتبارك ان الانسانه دي بنت ناس
ايا كان مستواهم فهي بنت ناس .. وفي الغالب الناس دي معترضه ان بنتهم تحب وتستعمل الحب
تستعمله يعني تكلمك وتخرج معاك

دي سمعه يا بن الناس مش لعب عيال..
ده من وجهه نظرهم ..
شوفت خلتني برضه ارجع لكلام الناس..
ونسيت اهم نقطه ..
ربنا..
تعالي نتكلم شويه ونرجع لكلام الناس

ان الاهم من السمعه وكلام الناس ان في رب مطلع..
مش محتاجني اقولك ان العلاقه في شرع ربنا محرمه

ماهو مش علشان مش بتلمس ايديها واكتر حاجه سمعتهلها بحبك وحشتيني والاسطوانات المشروخه دي يبقي اللي بتعملوه مش حرام
لا حرام ..

عارف ليه؟
لان ربنا خلقلك قلب غلفه بحبه ده المفروض .. جعلك حب الام من ثانيه الولاده وحب الاب بيبدأ من ثانيه اول ما تشوفه اكتر من مره وتاخد عليه

وحب الاخوات برضه كده
وحب القرايب
وحب الاصحاب من اول ما تلاقي انسان محترم يبقي صديق ليك
وحب النص التاني؟؟!!
من اول ما تلاقيه وتحس انه فعلا بقي النص التاني؟
معاييرك ايه؟!
شكل؟

استايل؟
روشنه؟

شخصيــــــــــــــــــــــــــــــــــــــــه؟
طيب عرفتها ازاي؟
ممممممممممم اتكلمت معاها
هعتبره في حدود الدراسه قدرت تتعرف علي شخصيتها في حدود الدراسه؟

قدرت تعرف هي بتفكر ازاي بالارقام والحروف؟
مم اكيد اتكلمت معاها في مواضيع خارجيه وامور شخصيه

مممممم آدي تاني غلطه محرمه يا حلو
ايوه هو مش رسولك( صلي الله عليه وسلم )حذر من الاختلاط وقال انه محرم في الاسلام.
طيب آديك خرقت حاجز تاني في طريقك يبقي تفتكر العلاقه هتنجح

لا يبقي انت غلطان لان ربك يمهل ولا يهمل

زى ما بتعارضه زي ماهيدييك على قد عملك
في الدنيا والاخره

يعني هتبص تلاقيها علاقه غلط ان نجحت في الاول هتفشل في النص وان نجحت للآخر هتفشل لآخر الآخر
يعني معني كده ان ربنا لما خلقلك قلب حطلك فيه ميعاد تحب وتوظف الحب..
امتي ؟!
لما تبقي رجل بمعني الكلمه عقل يفكر ان دي الانسانه اللي تنفع تفتح بيت
وانها شريكه العمر وقلب بيحب يشوفها يلمحها بس معديه وجيب مش لازم مليان بس يقدر يفتح بيت
او في طريقه انه يفتح بيت وايد تخبط علي البيت من بابه مش من شباكه يبقي هو ده ميعاد الحب
الحب اللي مش بيسمحلك بس تخرج معاها اللي بيسمحلك انكـ تعتبرها ضلع من ضلوعكـ

حبتها واللي كان كان انا عارفه وخلاص مبقتش قاادر علي بعدها

ماهو علشان متخسرهاش ولا هي تخسر حبها لازم تسمع كلامي..
روحلها حالاً قولها كفايه كده بقي ؟

طبعا هي هتستغرب انت بتقول كده ليه متبصش لا في عينيها ولا في رد فعلها كمل اللي هقولك عليه ده..

قولها كفايه استهتار
كفايه استهتار ان في رب لا بيغفل ولا بينام عارف ان انا وانتي مش بنبالغ في الغلط بس بنغلط
كفايه بقي نتقابل من ورا اهلك
كفايه نتكلم في التليفون
كفايه كلمات وان كانت في نظرنا صغيره ومفيهاش حاجه كفايه انها بتغضب ربنا وفيها عصيان لأوامره
فاكره فاكره واحنا بنحلم ببيت صغير يبقي جميل واطفال نعلمهم في احسن مدارس
واسبوع كل سنه نسرقه من الوقت نقضيه مع بعض في مكان بنحبه تفتكري حياه سعيده زي دي هتيجي مع كل التنازلات اللي قدمناها في الدنيا؟
تفتكري ربنا بيدي حد عصي كلامه ؟
كفايه كده بقي ..
اصبري وسيبيني انا كمان اصبر ولما ربنا يديني ويفتح عليا وينفع اجي واتكلم مع اهلك عنك هاجي واخبط الباب
بصي يا بنت الحلال انا بحبك وهفضل احبك بس مينفعش استعمل الحب ده دلوقتي الا لما ابقي قادر ارتبط بيكي قدام ربنا وقدام الناس ..
وعلشان اثبتلك اني مش بهرب منك انا مستعد اتكلم مع اهلك
ايوه مستعد هقولهم ان انا بحبك من زمان وعايزه ارتبط بيكي بس انا مستني الفرصه اللي ابقي فيها جدير بيكي..
عايزك تفهميني وتساعديني انا وانتي نطلع من بحر الاساءه اللي انا اوانتي غرقنا نفسنا فيه ..
والله عجبها كلامك وصدقتك واقتنعت ومش عايزه اقولك عيطت من كتر زعلها علي نفسها.. يبقي انت اخترت صح يا مان ويبقي دي انسانه متتعوضش
المحترمين اقل من الزيتون علي البيتزا..
معجبهاش كلامك واخدته علي محمل انكـ بتكدب عليها وشكت في نيتكـ يبقي انت غلطان من الاول في اختيارك يا سيدي مش هي دي اللي قدام اي موقف بعد كده هتقدر تثبت حبها ليكـ ..
معجبهاش كلامك وعايزه تقضيها حوارات والموضوع ايزى

بزمتك يا راجل دي واحده تأتمن علي بيت واطفال ؟؟
شوفت انا حسبتها صح ازاي؟
شوفت ان طاعه ربنا والامتثال لامره حلوه ازاي؟
علشان يوم ما تحب وترجعله لو حصل شيء لا قدر الله قلبك ميتحطمش من كتر الجروح....
شايف اصلا ربنا بيحبك ازاي..

كفايه عليك كده يا بن آدم
اظن انا قولتلك كل اللي فيها هتقولي متكلمتيش عن كلام الناس
هقولك الناس مبتبطلش كلام يكفي ان احنا راضيين ربى وربك ورب الناس
ويلا بقي ارجع علي بيتك علشان الليل ليل والرحله خلصت

بجد تسلم ايديكى وربنا يباركلك فى عقلك وياريت الناس تقرا اللى انتى كتباه وتصبر على القراءه زى مانا صبرت.........الموضوع مهم جداااااااااااااااااااا.وشائع جداااااااااااا ومحتاج واحد بيفكر بعقله مش بقلبه وبصراحهخ انا مش عارف اعقب على كلامك ربنا يكرمك ويوفقك

زائر

بجد بجد كلام اكثر من رائع ياريت الشباب ياخد بيه اتمنى ذلك شكرا ليكى ياسما

جميل جدا بس ممكن سؤال؟
ياترى انتى كاتباة ولا منقول
لو منقول جزاكى اللة خيرا
ولو انت كاتباة تسلم طريقتك فى الحوار

اول اعتذر لكى سما انى عدلت الخط بتاع الموضوع
فهو بصراحه يحتاج فعلا الى المشاهده والقراء
مشكوووووووووووووووووور ه

ولا يهمك يادكتور سرحان انا بشكرك على تعديله
ومشكوووووووووووووووووره جدا على مروركم وارائكم

لا املك ادنى فكرة عن الموضووووووووووووووووووووووووووع

الموضووع كبير
سلااااااااااام

شكرا للموضوع سما بس وربنا مقدرت اكمله دكتور سيد اصبر ايه اصبر انت ياخويا انا مش عايز اخطب انا لو هخطب بالموضوع الكبير دا مش هخطب خالص دا زى جرنال الاخبار ابو 100 صفحه متعرفش تقرا دى كله بس والله فى اوله موضوع حلو بس بحب اهزر بس مكملتوش والله الموضوع كبير الموضوع كبير

لا بجد موضوع هايل ياسما وتسلمى عليه وان شاء الله نعمل بيه
ربنا يوفقك

شكرا لمرورك يا استاذ فتحى
سلاااااااااااااام

معلشى يا استاذ احمد كنت استحمل شويه واقراء الموضوع كله
لانه موضوع بجد مهم والعلاقات دى اكتر الناس بتعملها ان لم يكن كلهم

شكرا لمروووووك اللى منور الموضوع يارافى
ربنا يوفقك ياجميل يارب

بصراحة انت تشكري كتير علي اختيارك الموفق للموضوع ومجهودك في نقله الينا بس ياريت الناس تخلي بالها وتفهم المكتوب

مشكوووووووووور جدا لمرورك ورايك يا استاذ ثروت
وياريت الناس تفهم لان موضوع العلاقه ده بيسبب مشاكل كتير
واوقات كتير اوى بيعملو علاقه وخلاص ومافيش اى حب اصلا والموضوع بينتهى بجرح كبير ومشاكل اكبر

تسلم ايدك يا سما

طريقة الحوار جميله اووووى والاجمل طرح الموضوع لانه حقيقي مهم
وللاسف بنغفل اوقات وننسي نفسنا

بالتوفيق ليكي دايما

الكلام جميل قوى ياسما

وللاسف كلنا عارفين الكلام ده بس مبنفتكروش الا مع انسان تانى لكت لو احنا بننسى كل شئ ونقول عادى

مبنعملشى حاجه غلط

شكرا ليكى ياسما

تسلم لمرورك ورايك يامحمود

ربنا يوفقك ياسما فى الرساله اللى انتى عاوزه توصليها وصدقينى الموضوع ده عند ربنا افضل من مواضيع كتير دينيه بحته..................ربنا يوفقك

ربنا يخليك يادكتور ويوفقك
الف شكر على المرور الجميييييييل
اسعدتنا بوجودك

» بتحب بجد !!!!!!!!!!!!!!!!!!
» بتحب رسولك يبقى هتحب تشاركنى حبه
» ادخل كل يوم وادعو لوالديك
» ادخل لتجد اسم حبيبك .................
» صور اطفال بجد ادخل ومش هتندم