الغباء فى الحب!!!!

السلام عليكم

لما تدخل نكهة الغباء في وجبة عنوانها الحب بيبقى فيه مليون سؤال ومفيش رد.
مواقف كتير في حياتنا بتثبتلنا ان كيوبيد سهمه ممكن يكون طايش, والمثل الشعبي مراية الحب عميا بيكون التفسير الصح وقتها.
بس امتى بقى هنتعلم نختار صح ونحب بجد.....

موقف 1:
هي: وحشتني اوي
هو(باستغراب): انتي مكلماني عشان كده؟
هي: هو انا عطلتك عن حاجة يا حبيبي؟؟
هو: لا كنت فاكر فيه حاجة مهمة.. عموما شكرا يا ستي, تسلمي
هي: طيب يا حبيبي انا عارفة انك مشغول فمش هعطلك.. خد بالك من نفسك.
هو: طيب اوك وانتي كمان ..سلام

موقف 2:
هي: الو
هو: ايوه يا حبيبتي , وحشتيني اوي اخبارك ايه دلوقتي؟؟
هي( بلهجة رخمة): وانت كمان انا كويسة.
هو: عجبك الورد اللي بعتهولك؟؟
هي: انا اصلا مش بحب الورد ومش هعرف اهتم بيه, وبعدين ملهوش لازمة وملاش لازمة الشكليات دي..
هو: معلش يا حبيبتي انا بس كان قصدي اقول لك سلامتك وافرحك واخرجك من مود التعب اللي انتي فيه مش اكتر .. عموما انا اسف.
هي: هو انا بقول لك كده عشان تقول لي اسف يعني.. عموما تسلملي.

الحدوتة دي مش محتاجة اني اعلق عليها

بس نفسي اعرف ليه لما تحب حد وتخلص له اوي تكتشف ان الحد ده ما يستاهلش اصلا؟؟
ولما تلاقي في حد بيحبك ويخلصلك اوي بنبقى مش حاسسين بيه؟؟
طيب ليه احبك الاقيك تزهق مني؟؟
طيب ليه لما تتقلى عليه يحبك؟ وليه لما تسيبها تحبك؟
ليه عايزني اتغير؟ ليه عاوزها تتغير؟؟
مش انت حبيتني كده ؟؟ هتغيرني ليه؟؟
مش ممكن الحبيب او الحبيبة لما يتغيروا يبقوا باردين..
او يبقوا حاجة ملهاش طعم
لانهم مش كمبيوتر هتحط الامر وتدوس enter يبقى كله تمام وعلى هواك.
طيب ليه دايما الحاجة اللي في ايدينا مش بنعرف قيمتها غير لما تروح مننا؟؟؟

وفجأة نلاقي نفسنا جوه دايرة مقفولة
ونوصل لدرجة من الجنون ..نفسنا نلاقي اجابة على تساؤلات كتيرة ومفيش اجابة واضحة.. بنكون عايمين في بحر من الحب والغباء

بلاش تمثل الحب
بلاش لما اقولك" بحبك" تقولي وانا "كمان"
لو مش حاسسها ما تقولهاش ..عشان يبقى ليها طعم
يللا نبعد عن بعض ونبعد نكهة الغباء اللي بوظت كل حاجة ما بيننا ..
هنتعب يوم واتنين..
بس هنتعلم نحب بجد ونختار صح... عشان الحب لازم يكون اقوى من اي حاجة
تعالوا نحب بس نقهر الغباء ,, ولو حد فينا جه يوم ع التاني وجرحه اوي..
ربنا هيرد له جرحه وهيعوض التاني بحد يريحه ويسعده او هيعوض باي حاجة تانية
وبكره كل واحد ينسى جرحه ويحب ويتحب ويلاقي اللي يفهمه ويقدره
عشان الحياة احلى بالحب.. بس من غير نكهة الغباء
بس لما تقولها.. قولها من قلبك.. قولها من جواك..

يارب الموضوع يعجبكوا واعرف رايكم

امممممممممممممممم

زائر

هههههههههههههههه
جميل ياسما
دايما بتفاجئينا بحاجات حلوة

ههههههههههههههههه
والله بجد موضوع جميل
ووميز جدا واجمل مافيه عنوانه

مشكووووووووووووووووووورين جدا على المرور

شكرا ياسمما دايما مواضيعك جميله وجديده

شكرا لمرورك يارافى

اولا اانا فى الوقت الى احنا عايشين فيه مش حاسس انه فيه حب الحب اتغير عن زمان اوي زمان كان الى بيحب بيلتزم مع حبيبها بكل مواصفات الحب الحقيقي اما الوقت ده ما شوفتش كدا

لو عندك مثال واحد على كدا انا ممكن ساعتها اغير راي بس صدقيني لا الولد والبنت بيحبو بجد

بتبقى مساله تعود وشكرا على موضوعك المميز

اولا اهلا بيك
بعدين الحب الحقيقى لسه موجود وانا بشوفه كتير وكل يوم والدنيا فيها الابيض والاسود زى مافى حب بيبقى فى خداع
لسه بردو موجود الحب الحقيقى ولسه فى ناس بتحب بجد وتعمل اى حاجه عشان حبها
المهم اننا نحب الانسان اللى يستاهل الحب ده واللى يقدر يحافظ عليه

تقبل رايى واهلا بيك مره تانيه

» الانسان قبل الحب شئ وعند الحب كل شئ وبعد الحب لاشئ
» هل الحب الثانى يمحى الحب الاول؟
» أعماها الحب!!
» الحب القديم
» كلام فى الحب