mae_8408 القلم اللامع
عدد المساهمات : 862 نقاط : 1392 السٌّمعَة : 2 تاريخ التسجيل : 27/07/2009 الموقع : mae_8408@yahoo.com العمل/الترفيه : بكالريوس تربيه
| موضوع: من قال لا اعلم فقد افتى الأربعاء أكتوبر 21, 2009 3:30 am | |
| السلام عليكم ورحمة الله وبركاته
انا هتكلم النهارده فى موضوع غريب شويه قد يراه البعض انه لا يستحق ولكنى ارى انه مصيبه لدينا
فالجميع يرون انهم يعرفون فى كل شئ ويتدخلون فى اى مجال ويعملون باى مهنه حتى ولو انهم لم يعرفوها ابدا وهناك امثله كثيره لذلك
فان فتح احدا مشروعا او قام بشئ حسن الجميع يقلدوه حتى يصبح الامر الحسن مكروه والجميع يتدخل فى اى مجال حتى ولو انه لم يراه قبل ذلك
وساضرب مثال فى مجالى الذى اعمل به .
فى مجال الكمبيوتر مثلا فجميع اهل شبراملس يعلمون فى صيانة الحاسب فلو قلت لاحد عن مشكله معينه الجميع يفتيك فيها ولا احد يقول لا اعلم
فهناك اشخاص كثيرون لا يفقهون فى الامر شئ ولكنهم يقولون انهم مهندسون فى صيانه الكمبيوتر وهناك اشخاص كثيرون
فجميعهم كما يقال واخدنها بالعافيه والفهلوه لو الموضوع سهل ويخبطم فيه يكملم ولو صعب يتحججم باى حجه وخلاص او الاوعى يذهب به لاحد المتخصصين حقا
ويقوم باصلاحه وساذكر امثله
هناك مثلا احد الاشخاص
ذهب لاحد الاشخاص لتحميل نسخه ويندوز وبعد اربع ساعات من الجهد لم يقل له انه لايعلم السبب فى عدم تحميل النسخه ولنه قال ان هذا الجهاز حديث جدا
وهذه النسخه قديمه ولا تصلح لهذا الجهاز لقدم النسخه وده طبعا على حد علمى مستحيل وفى اليوم التالى ذهبت له وقمت بتنزيل النسخه
مثال اخر شخص يدعى
اخذ المهنه فى فتره بسيطه جدا وقال انه مهندس صيانه ومبيعات وفى احد الاجهزه قام صاحب الجهاز بنقل شريط المهام فى اعلى الشاشه فاتصل به لاصلاحه لجهل
الشخص بما حدث وذهب له ولما راى الشريط قال بانه تم اللعب فى النسخه ولن يتم اعادته الا بعد تحمسل نسخه اخرى
وشخص اخر لا يفقه فى الامر شئ وكنت جالس معه فى فى الدكان فهذا افضل لفظ لا استطيع القول بانه مكتب صيانه اخذ يفتى فى الكمبيوتر وكان موجود ناس مهندسين فعلا فى الكمبيوتر الكل جلس
يضحك ويستغرب مما يقول
والداهيه الكبرى
كان احد اصحاب مراكز النت فى شبراملس وتجلس معه تحس انه عبقرى جدا ولو كان لديك جزء بسيط جدا من المعلومات عن الكمبيوتر تعرف انه لا يفقه فى الامر شئ
ويتكلم فقط وحدث معه موقف من اسبوعين معى انه جلس يتكلم عن احد الاجهزه ويتكلم عنه انه لا يصلح له نسخه الفظ خارج بى لسرعه الجهاز الفائقه وبالصدفه
كنت قمت بتحميل نسخه لهذا الجهاز الفظ خارج بى وكذبته وسط الجالسين
وهناك امثله كثيرة لهذا حدثت معى
انا تكلمت عن هذا المجال لان هذه المواقف حدثت معى ولا اتكلم لافرض متى معرفتى بالكمبيوتر ابدا والله
فانا من الدراسه وبعد الدراسه واقوم بصيانه اجزه كثيره وهنا فى الغربه ايضا لناس كثيرين جدا مصريين وغيرهم ولم اخذ من احد اموال ابدا فهذه هوايه لا اكثر
ولا اقلل من شان احد ولا احارب احد ولكنى اريد كل شخص ان يكون فى مكانه الخاص به ولا يتدخل فى اى مجال لا يعرف عنه شئ
وهناك امثله كثيره جدا فلا اريد الاطاله عليكم
ولكنى ارى الذنب الاكبر لاهل البلد والشباب الواعى انه يعطى المكانه الخاصه بكل انسان على قدره
ارجو ان يكون وصل للجميع ما أريد قوله واتمنى المشاركه الفعاله حتى ولو الاختلاف معى
واسف لانى لست بارعا فى التعبير بالكتابه
عدل سابقا من قبل mae_8408 في الأربعاء نوفمبر 11, 2009 12:30 am عدل 1 مرات | |
|
???? زائر
| موضوع: رد: من قال لا اعلم فقد افتى الأربعاء أكتوبر 21, 2009 4:34 am | |
| هههههههههههههههههه والله عندك حق يامحمود فى كل كلمة بس انتى تعبتنى كتير فى الحروف اللى كتبتها كل حرفين افضل افكر يكون مين توهتنى جدا ههههههههههههههههههههههه شكرا ليك |
|
dr sarhan Admin
عدد المساهمات : 647 نقاط : 11972 السٌّمعَة : 1 تاريخ التسجيل : 18/06/2009 العمر : 41 الموقع : sarhan2272@yahoo.com العمل/الترفيه : pharmacist المزاج : الحمد لله
| موضوع: رد: من قال لا اعلم فقد افتى الأربعاء أكتوبر 21, 2009 6:05 am | |
| من غير مانعرف مين الاختتصارات دى الموضوع فى حد ذاته جميل جدا وفعلا من اكبر المشاكل فى القريه من ايام ترابيزة البينج بونج لو تفتكرو واحد نزلها فى البلد فى خلال اسبوع واحد البلد كلها بقا عندها ترابزات بينج لحد ماالناس زهقت من العبه
شويه البلياردو نزل كل الناس نسيت تنس الطاوله او البينح بونج وقلبت لمحترفين بلياردو وكترت محلات البلياردو وكل الناس قلدت
شويه والتطور بقا والبلاى ستيشن اشتغل كله ساب البلياردو واتجه للبلاى ستيشن
وطبعا الموضه الاخيره لو انت مانزلتش البلد من زمان يامحمود التوك توك ومشروع توك توك لكل مواطن
والتقليد بقا فى كل حاجه واحد يعمل مشروع كل الناس تسيب حتى الحاجه اللى ممكن تكون بتفهم فيها وتتجه للحاجه اللى عند كل الناس ولو كانت موجوده وبكثره نقول ايه اهو كله فى الاخر بيجرب حظه
بس صدقونى لو كل واحد ركز فى نفسه وعرف ايه مواهبه وركز كل طاقته ليها اكيد هايبقى فيها كويس وهايكسب منها عيش
مش زى ماقال محمود كل واحد سطب نسخه ويندوز لحد بقا بشمهندس كمبيوتر
زى طبعا الداهيه الكبيره دلوقتى وهى موضة الشيوخ اللى بيتعدو على اساتذتهم فى الدين وهذه هى الكارثه الكبرى
ومش هاتكلم طبعا عن مجالى وهو الصيدله لاتقولو انى فتحت صيدليتى موضه انا كمان هههههههههههه
فى النهايه لازم كلنا نكون عارفين ان ربنا لو كاتبلك رزق هتاخده هتاخده عمرك ماهتاخد رزق غيرك ولا حد هياخد رزقك اسعى فى رزقك وفى الحاجه اللى شايف نفسك فيها وكمل فيها طبعا بعد ماتكون واثق انك هاتقدم حاجه جديده عن خبره او عن دراسه ملمه بالموضوع
شكرا لك محمود على الموضوع الجميل عذرا للاطاله وان كنت خرجت عن الموضوع بعض الشئ
| |
|
د.السيد الخولى مساعد المدير
عدد المساهمات : 244 نقاط : 1320 السٌّمعَة : 4 تاريخ التسجيل : 10/08/2009 العمر : 39 الموقع : figoo4363@yahoo.com العمل/الترفيه : بكالوريوس طب المزاج : الشعر وكرة القدم
| موضوع: رد: من قال لا اعلم فقد افتى الأربعاء أكتوبر 21, 2009 8:11 pm | |
| عندك حق يابشمهندس محمود فى كل كلمه بتقولها وطبعا مش هعلق على تعليق الدكتور احمد الجميل ابو دم خفيف كالعاده ...............بجد دى مشكله فى كل المجالات الدين والطب والكمبيوتر ....الخ لو قاعد فى قعده وتسال سؤال فى الدين هتلاقى فى مليون واحد يجوابك اللى يقولك حرام والتانى يقولك ياعم ولا حرام ولاحاجه انت بس اللى مكبر الموضوع شويه والتالت يقولكم انتو بتكلمو في ايه ياجماعه انتم جهله اصلا ومبتعرفوش حاجه يقولوله قول انت يابو العريف يقولهم ده ولا حرام ولا حلال يقولوله امال ايه يقولهم مش عارف بس هو كده وخلاص ؟؟؟؟ههههههههههههههههههه وواحد تانى يشتكى من صداع تلاقى 5 تلاف واحد بيردو عليه اللى يقوله اشرب كوباية شاى وانت هتبقى ميه ميه والتانى يقوله شاى ايه ياراجل اشرب شوية ميه بسكر وانت تبقى ميتين على ميه والتالت يقولهم ياجماعه سيبكم من التخريف ده واسالونى انا انت تروح تربط دماغك بالفوطه بس تكون بلاله قبل ماتربطها وتخلى مراتك تعملك ديك شمرط تاكله وتشرب مراته هتلاقى نفسك بقيت زى الحصان ؟؟؟؟؟ههههههههههههههههههههههه وهكذا فى كل المجالات مشكلتنا اننا معدومى الهوايات ومفيش حد عنده فكر اقتصادى مبنى على دراسه وكلنا ماشيين بسياسة التقليد وعشان فلان عمل الحاجه دى ونفعت معاه يبقى خلاص هتنفع مع كل الناس وده طبعا خطئ فادح ربنا يهدينا جميعا | |
|
mae_8408 القلم اللامع
عدد المساهمات : 862 نقاط : 1392 السٌّمعَة : 2 تاريخ التسجيل : 27/07/2009 الموقع : mae_8408@yahoo.com العمل/الترفيه : بكالريوس تربيه
| موضوع: رد: من قال لا اعلم فقد افتى الخميس أكتوبر 22, 2009 3:06 am | |
| انا اولا باشكركم على اهتمامكم وارائكم
ثانيا انا طبعا لا اريد الاسائه لاحد على الاطلاق ولا اقلل من شان احد
الدكتور سيد والدكتور احمد كملم امثله فعلا كتيره جدا وكلنا شفناها
ومش لازم يامحمد نفكر وتتعب نفسك فى معرفتهم المهم المغزى من الموضوع يكون وصلك | |
|