ذكريات واحد صيدلى؟؟؟؟؟؟

ذكريات واحد صيدلى





دة موقف وانا عندى 11 سنة

واحد جارى طلب منى اروح الصيدلية
قال عايزك
تجيبلي دواء من الصيدليه
المهم انا بئى أموت في فعل الخير

قولي عايز ايه

قالي : عايز علبة ترامادول وواحده اباتريل وكونتريمال و
........ المهم رص كام داوء مخدر وراح مديني الفلوس
وانا مكنتش اعرف الحجات دي طبعا
وبعد السلامات على الأهل والذي منه
قالتلها والنبي يا دكتورة عايز علبه ترامادول
رحت مطلع الورقه من جيبي علشان اتأكد

وقلتلها ترامادول
قولتلها طيب في بديل
قولتلها طيب كونتيرمال
وقالتلي هو الدواء ده لمين
ليه هو في حاجه؟

وراحت مفهماني ان الادويا دي كلها مخدرات

وبكل براءه قولتلها طيب انا اسف جدا

بعدها فكرت وقولت طيب كان هيحصل ايه لو صاحب الصيدليه
ميعرفنيش ودخلت عليه بكل بساطه كده وطلبت منه الحجات دي؟
اكيد كان هيدهالى هههههههه





ودة حكاية تانية حصلت وانا صغير
وكنت بشتغل فى صيدلية



روحت بدرى حوالى
الساعة 9 صباحا
فتحت ورشيت مية قدام القهوة ا.............ه قصدى الصيدلية
ويا فتاح ياعليم يا رزاق يا كريم
دخل عليا واحد بجلابية
طول وعرض ومنظر.................يا مسهل
*ابا ابا اااااااااااااااااااااابه
(دا الراجل اللى بيقول)
افندم
ما علينا
جبتله الكريم
وشاورتله بايدى
بان الحساب 7 جنيه
طلعلى ورقة ب 100 جنيه
قلت بس بانت يا حلو وبانت لبتك
اكيد الفلوس دى مزورة
رفعت الفلوس فى النور
ولحستها ومضغتها
وبلعتها
لقيتها سليمة جدا
فطلعت الباقى 93 جنيه واديتهمله
فى نفس الوقت دخل كام راجل
ومعاهم ست بيصرفوا روشتة مستشفى
نرجع لصاحبنا
بعد ما اديتله الباقى
قعد يبرطم
ابااااااااه ابااااااااااااااه
ويشاور بايده لأ
يعنى مش عايز العلبة
قلت ماشى
مش كده
مش عارفين تلاقوا تفسير للى حصل
التفسير جاى اهه
قبل ما الاخ يرمى الفلوس
انا لمحته بيعمل حركة بايده


بصباعه الصغير


عزل


جزء من الفلوس
ورماه على الارض
ورمى باقى الفلوس على المكتب
علشان لا ارادى ارجعهم فى الدرج
من غير عد
واروح اشوف باقى الزباين بسرعة
انا طبعا اول ما شفت حركة رمى الفلوس
شبكت ايدى ورا ضهرى
وقلتله مش حامد ايدى عليهم
لمهم واديهملى ورقة ورقة
طبعا اتبل وعرق

والناس اللى فى الصيدلية
اتلموا عليه
راح موطى على الارض وجاب باقى الفلوس
وعدهم ورقة ورقة
مش قادرة اقولكو الضرب اللى كله من الزباين

وكانهم فشوا غلبهم فيه
وابتدا يزعق ويسرخ
سيبونى سيبونى
يعنى ولا اخرس ولا حاجة
دى كلها حركات
بس الحمد لله
الصيدلية دى فلوسها حلال







ولما كبرت وفتحت صيدلية



دخل علية واحده وابنها الصغير عيل عندة حوالى 10 سنين
قالتى ابنى عندة سخونية قولتلها هديكى لبوس
تتدية للولد كل 12 ساعة ,دة علاج مؤقت لحد الصبح
طيب حاضر خدى اللبوس
ده حينزل الحرارة بس لازم تكشفيله على طول
لأ حاروح وده كلام برضه
مافيش ساعة زمن ولقينا صاحبتنا راجعة بتلطم
يا دكتور الحرارة مش عايزة تنزل
ازاى بس يا امى انتى اديتيهوله امتى
اول ما روحت من عندك علطول
وكمان..............المفااااااااجاة الكبرى
استعدوا وامسكوا اعصابكو
وكمان اللبوسة بترجع تانى من الواد
نعم اللبوسة بترجع .....؟
ايوة يا دكتور والواد عمال يصوت كل ما اديهاله وبيجيب دم كمان
انا لله وانا اليه راجعون
يا ستى احكيلى بالظبط انتى عملتى ايه
ابدا يا دكتور اديتله اللبوسه زى ما حضرتك قلتلى واهى اللبوسة معايا اهه
وخرجت من ايدها اللبوسة
واذا بالصدمة الكبرى
صاحبنا فتح بقه من المنظر اللى شافه
كانت امامه تقف اللبوسة بكل شموخ وتحدى
بدون ان .........................................
تتقشر يعنى بورق التغليف بتاعها
يظهر الست كانت فاكرة ان الدخول بالملابس الرسمية
طبعا انا كنت قربت الطم على وشى من اللى عملته الولية فى ابنها






اسمع يا عم

وقفت مره كده مع بنت عمي وانا لسة بدرس فى الصيدلة
دخلت ست عجوووزه عايزه دوا المهم جابتهولها وبتقولها
كل12ساعاه خدي حبايه
قالتلها يعني كام مره؟
قالت مرتين في اليوم ياحاجه
قالت يعني امتى بالضبط؟
قالتلها يعني لو هتاخدي الساعه 12الصبح يبقى هتاخدي
الساعه12 قالتلها مبعرفش في الساعه
قالتلها ياحاااجه خدي واحده لما تصحي الصبح ووحده
لما تيجي تنامي بالليل
قالتلها بس انا بنام الظهر
قالتلها قولي لابنك يديكي الدوا وخلصينيييييييييييي
بجد كانت هتضرب الست وانا اقولها اهدي يابنيت
تقولي اعمل ايييه بسسس
بس في الاخر هديت وعرفت تخليها تاخد الدوا
ههههههههه


ومن ضمن المواقف اللي بتمر علينا ان ممكن يدخل
عيل صغير يجيلك ويقولك
انا عايز دوا السكر بتاع امي ؟؟ او عايز دوا الضغط ابو علبة
زرقاء ومرسوم علييها حمااار

اما الطلبات الغريبة فمش السجاير بس ..
عندك ورنيش جزم
؟؟ عندك رابسو
؟ عندك محمول اتكلم منه ؟؟
مفيش عندك تواليت في الصيدليه ؟؟

عندك ميه معدنيه ؟؟ الاقي عندك كبايات بلاستيك ؟؟
فيه كارت رينجو لو سمحت من ابو 5 جنيه - يعني
بيشترط عليك كمان ان لازم من ابو 5 ؟؟؟؟؟

ومن المواقف اللي بضايق الواحد موضوع الخصومات
اللي الناس طالعه فيها الايام دي وياريت الناس اللي
بتطلب الخصومات هي الناس المحتاجه كنا قلنا ماشي
؟؟؟ تلاقي واحد داخل عليك برستيج خالص يااااي
وبعد لما يا خد الحاجه اللي عايز الحساب كام مثلا 90 جنيه
؟؟؟ يقولك طب والخصم ؟؟؟؟؟



ربنا يكفيكم شر الصيدلية
ههههههههههههه
سلام

مره دكتور صيدلى قابل دكتور صيدلى زيه قاله مرهم بيك
قاله بنسلين ماشفناش بعض

ههههههههههههه
عندهم حق من اللى بيشوفوه كل يوم

دى ذكريات واحد هو بيحكيها
وشكرا لمروركم