اولا كل الشكر للدكتور سيد على الموضوع الجميل
ولصدفه على المشاركه الاجمل ومتفقه مع حضرتك يادكتور سيد فى كلامك
فعلا الناس بقا كل اللى يشغلها السفر وازاى تجيب الفلوس
لكن صدقنى مش فارقه السفر لدوله عربيه او اجنبيه
لان الانسان اللى متمسك بدينه مش هيهمه فى فين بالعكس انا اعرف ناس مسافره دول اوربيه ومتمسكه بدينها اوى
[/size]
لكن احنا ليه ما بنسالشى نفسنا هو الشاب بيعمل كده ليه
ليه بيرمى بنفسه بالتهلكه يمكن دى نقطه حضرتك غفلت عن ذكرها
[size=18]
عشان الظروف اللى احنا عايشين فيها والاوضاع اللى بنشوفها
ممكن يكون حضرتك معاك شهاده عاليه هتقدر تشتغل بيها وتفتح بيت لكن غيرك مش كده
وممكن الشهاده بتاع حضرتك تخلى اى واحده تقبل بيك وتعيش معاك
لكن لو واحد تانى وراح يخطب بيشرطو عليه
ابو العروسه يقول انا عايز كذا وكذا وكذا
والعروسه بتشرط ده صاحبتى خطيبها جايبلها كذا وعملها كذا
هو ساعتها هيعمل ايه وهيتصرف ازاى
اكيد هيفكر فى موضوع السفر ده عشان يقدر يعمل لخطيبته زى اصحابها
كمان كل واحد فينا شايف ناس معاه فلوس اد كده وبيبنى بيت اخر روعه
وبيصرف هنا وهنا وده كله طبعا جاى من السفر فبيقول انا هعمل ايه
اسافر انا كمان يمكن اعمل زيه
ولو اتخرج وكمل تعليمه مفيش فرصه انه يشتغل فكده كده بردو هيسافر لان ده الحل الوحيد يعنى زى مابنلوم الشاب على اللى هو بيعمله لازم نلتمس له العذر ايضا
بس ده مايمنعشى ان الاولويه انه يخلص كليته ويسافر بطريقه مشروعه كمان فى حاجه
من فتره اتكلمت مع واحده متقدم لها عريس ومسافر لكن ماكلمشى تعليمه
اثناء الكلام قالت جمله يؤسفنى جدا انى اسمعها وهى
يابنتى اللى مسافر ايطاليا او فرنسا ده معاه دكتوراهيعنى حتى البنات تفكيرهم بقا ازاى اهم حاجه الفلوس
وده اللى بيجبر الشباب على اللى بيعملوه
حضرتك قولى انت بقا الشاب هيعمل ايه
الشاب بيقول هروح وخالص واللى ليا نصيب فيه هشوفه
برغم من كل الحوادث اللى حصلت والناس اللى بتموت التفكير مش بيتغير وان شخصيا بلتمس العذر لكل شاب بيفكر فى موضوع السفر
وشكرا للاطاله
الموضوع مهم جدا ياريت كل الاعضاء يقولو رايهم فيه