ازاى بتبدا العلاقه بين الشباب والفتيات

الاسباب التى تؤدى الى فشل العلاقه بين الشباب والفتيات

اسمحولى فى البدايه ان اشكر سما على هذا الموضوع الجميل
وعلى اختيارها ليا انى اتكلم معاكم واشارككم فى اسباب فشل العلاقه بين الطرفين

هحاول اقسم الموضوع معاكم لجزئين
الجزء الاول -وهو الحب اللى فى الضلمه او العلاقه التى تنشا بدون خطوبه او ارتباط بعلم الاهل طبعا الموضوع يمكن يكون مرفوض دينيا بس احنا بنتكلم عن واقع موجود بالفعل
وفيه علاقات بتنشا باحترام وبتنتهى باحترام زى الصداقه التى لاتخطى الاطمئنان على الطرف الاخر والسلام

الجزء الثانى -وهو العلاقه التى تنشا بين طرفين بنيه الارتباط الجاد او اتنين مخطوبين بالفعل
طبعا سما مشكوره اتكلمت عن ازاى العلاقه بتبدا وانا هحاول اتكلم معاكم عن اسباب فشلها
ونبدا بالجزء الاول
اكيد طبعا هايكون اول سبب عدم الجديه فى الارتباط
الاتنين طبعا فاضيين وبيسلو وقتهم وكل واحد واهم التانى انه حياته وعمره كله وانه هايضيع من غيره وده طبعا كله تمثيل فى تمثيل

وطول الوقت بقا
ايه ده انتى بتحبى الملوخيه يااااااااااااه اخيرا لقيت البنت اللى كنت بحلم بيها
وهى طبعا :انت بتحب تامر حسنى يااااااااااااااااااااااه انت بجد فتى احلامى
وومكن يطلع فى الاخر لاهى بتحب الملوخيه ولا هو بيحب تامر حسنى
وطول الوقت بيكدبو على بعض ويمثل قدامها انه بيحب حاجات كتير اوى لقاها فيها
لو شايفها رومنسيه شويه يحاول طبعا يعمل حاجات هو ممكن يكون مابيحبهاش
بس لازم يعملها عشان يسبك الدرو ويوصلها اد ايه هما متفاهمين ولا يقين على بعض
وده مابيستمرش كتير وخصوصا اذا كانت البنت بتدور على عريس والسلام وعند اول كلمه عن الارتباط وانا العرسان ورايا زى النمل
هو طبعا بكل لطافه يقولها الف مبروك والله فرحتلك وربنا يتمملك على خير
تبدا هى طبعا تدور على غيره

وطبعا لازم نخلى الاسره فى مقدمه هذه العلاقات واسس التربيه والتوعيه اللى بتقدمها للبنت او حتى للشاب اللى داير يلعب ببنات الناس

حتى لو كان الشاب جاد فى حبه ممكن تكون الظروف مش مساعداه انه يتقدم او يرتبط نساله طيب انت بتكلمها ليه
يرد طبعا انا ماوعدتهاش بحاجه
بس طبعا البنت اللى تسمح لنفسها انها تكمل
مع واحد وعارفه انه مش هايقدر يكمل معاها اكيد غلطانه وبتكون متاكده انها غلط بس للاسف زى ماقولنا اهى تسالى وتضييع وقت

فيه بس حاجه عايزين نحطها قدامنا على طول ايه الهدف من العلاقه اللى بنعملها مع الطرف الاخر ياترى كل واحد محدد هو عايز ايه؟؟؟؟؟
انا شايف ان دى نقطه مهمه جدا
انا ماقولتش ان الحب عيب لانه بيحصل طبعا غصب عننا بس لازم نحط شويه حسابات كده فى دماغنا
انا هاتكلم عن تجربه لاحد اصدقائى
كان جواه شويه احاسيس تجاه واحده ووصف الاحاسيس دى بالحب وحاسس انها بتبادله نفس الاحساس ونفسه انه يرتبط بيها
بس للاسف شاف انه مش هاينفع يتقدملها لظروفها الخاصه ولظروفه الخاصه
والظروف الماديه اللى الحب الاول بيعانى منها دايما
مش عارف انا شايف انه حسبها صح
هو هايستفاد ايه لما يكلمها ويعرفها انه بيحبها وهو متاكد ان العلاقه مسيرها يوم هاتنتهى بالفشل ونهاها قبل مايبداها
وربنا كرمه بغيرها واللى شاف انها مناسبه ليه وطبعا فى الحلال
مش عارف انا بحكى الحكايه دى ليه بس حبيت اعرف منكم ان كنتو شايفين التصرف ده ولا لا


فيه طبعا سبب رئيسى لفشل اى علاقه مهما كانت طبيعتها وهى اكييد

الكــــــــــــــــــــــــــــذب
الكذب طبعا هو اللى بيوصل لاى حاجه ممكن تدمر اى علاقه من اى نوع
وانا شايف ان اكبر من الخيانه نفسها او الخيانه بتيجى نتيجه للكدب
صعب جدا ان علاقه نشات بين اتنين على الصراحه انها تفشل حتى لو انتهت بالنهايه الغير مرجوه بالارتباط يعنى
ممكن بسهوله نسامح حد غلط فى حقنا او حتى خاننا لو صارحنا بالغلط اللى عمله وانه ندمان عليه
ده طبعا لو ماكانشى بيمثل عليه او بيرميله طعم صغير ويحكى عن غلطه صغيره عشان يدارى الغلطه الكبيره
ولما كل حاجه تنكشف ساعتها كل حاجه بتنتهى فى لحظه


لو اتكلمنا عن الجزء التانى
فشل العلاقه بين اتنين مخطوبين او اتنين ناويين على علاقه جاده متهيالى اهتكون نفس الاسباب
يعنى الكذب الخيانه التمثيل
واوقات عدم التفاهم بين الطرفين وكل واحد ماعندهوش استعداد انه يقدم شويه تنازلات عشان الطرف الاخر طبعا بيوصل لفشل العلاقه
وطبعا الخلافات الماديه
والخلافات العائليه وتدخل الاسره
وطبعا المغالاه فى المهور والشبكه وعدم تقدير ظروف الشباب والمغالاه فى المعيشه
وفى قريتنا طبعا والفروق الماديه الكبيره الموجوده وكل واحده بتبص بنت فلان جالها شبكه بكام وبتكون البنت شايفه انها ممكن تكون احسن
من البنت االلى جالها شبكه يكاااااااااااااااام يعنى مثلا الفرق فى المستوى التعليمى
ياريت نسهل المتطلبات شويه عشان نسهل الزواج ونفكر اد ايه مهم انك تستر على بنتك او اختك وتحافظ عليها من انها تعمل علاقه
بالشكل الغلط

متهيالى دى اهم الاسباب




بكده اكون خلصت كلامى ومستنى ردودكم وارجو عدم الزعل منى اذا اختلفت معكم فى بعض الاراء
شكرا ليكم جميعا