فلسفة حمار

زائر

1. عجبي عليك يا ابن آدم يا كبير الدار
2. شغلت نفسك بالدنيا ومليتها عمار
3. بتفكر فيها ليل ويا نهار
4. وشاغلة كل حياتك باستمرار

5. أما لربك فمستدار
6. ولأوامره كسار
7. أعمالك بلا وعي ولا هدف وكأنك سكار
8. في طريق الشر إنت سيار
9. وفي طريق الخير إنت بتار
10. وبعدين تحارب أخوك وتخلي الدنيا دمار
11. طالع واكل نازل واكل عامل زي المنشار
12. مستهتر بالدنيا وبتقزقز لب وتاكل فشار
13. عايز تستفيد من الناس كلها وكأنك سمسار
14. وتحاسب أخوك عالقرش وعالمسمار
15. تؤذي الناس بدون إنذار
16. بدل ما تبقى مفيد، تصبح مفسد وضار
17. آخر حاجة تفكر فيها إنك تكون لمن حولك بار
18. واكل حقوق الكل من حولك كأنك جزار
19. مع إن زكايبك كتيرة وإنت لها جرار
20. مترفه وفي كل أوضه عندك ميني بار
21. مسرف ومبذر وترمي أموالك في اللعب بإهدار
22. يومك ينقضي بلا منفعة ولا إدرار
23. ولا مهنة مفيدة ولا تعمل كالتجار

24ellow[color=green]]. ولا صنعة في إيدك زي النجار
25. وبعدين تفتكر نفسك من الشطار
26. لما تسمع عن الباطل أنت له بدَّار
27. ولأهل الشر والفحش زوار
28. وأول ما تسمع الحق تبلغ فرار
29. وكمان تتغاظ وألاقي دمك فار
30. وكأن الحق ح ياكل منك حتة ويملأك أضرار
31. وتقول ياريت أخويا كان مات واللا غار
32. وأنت دايما للحق في إنكار
33. مع إنكم إخوات من نفس الكار
34. ده الفرحة لأخوك شئ سار
35. المفروض تعيشوا مع بعض متحابين وأبرار
36. ده بعد الموت ح تلاقي كل المال اتبخر وطار
37. وبقى كالسراب والبخار

38. قومت الدنيا وما قعدت لما قالوا حمار
39. هو اسمي ده شتيمة ولا جنسي عار
40. اللي خلقني خلقك وما حدش له خيار
41. مافيش حاجة بإيدينا وبالذات الأقدار
42. وأنا مهما زاد الحمل علي دايما ماشي ومكمل المشوار
43. يا ابن آدم خليك زيي صبار
44. بأستحمل واشتغل بعزيمة وإصرار
45. أطوف العالم كله كأنه لي مضمار
46. لا في يوم أقول اشمعنى أخويا ولا آخد منه تار
47. ولا يوم أبص لرزق غيري وأطق منه وأغار
48. أراعي الجميع وأصون الجار
49. ولا مهر أدفع لحمارتي ولا شبكة ولا سوار
50. ولا شقة أجمع في تمنها ولا أجهز دار
51. و مراتي الحامل ما بتتوحمش على كافيار
52. ولا ابن يدمن ويهلوس ويقع وينهار
53. ولا بنت تخرج عن طوعي وتجيب لي العار
54. حياتي كلها استقرار × استقرار
55. وحمارتي ما تتزينش لغيري وتلبس له إكسسوار
56. وإنت مراتك تخرج من غير حتى خمار

57. حياتي جد × جد ومافيهاش هزار
58. ولا دلع ولا كسل ولا حتى مزمار
59. ولا اعمل زي الإنسان وأعزف على الجيتار
60. ولا أستعبط أو أستهبل وأروح الزار
61. أنام في أي مكان ولا أخاف من صرصار
62. مش محتاج فيلا بدورين وكرار
63. ولا أرض ولا سيارة ولا عقار
64. لا أعطل ولا أحتاج لقطع غيار
65. وأمشي من غير بنزين ولا حتى سولار
66. ثمني رخيص يا دوب كام الدرهم ودينار
67. ولا حد يستوردوني من بلاد برة بالدولار
68. لا احتاج كشافات ولا أنوار
69. عارف سكتي وطريقي ومش محتاج لفنار
70. أفهمك بالإشارة ومش محتاج تتك على زرار

71. ومش محتاج موقف كبير بالأمتار
72. كل اللي عايزه بس فطار
73. عشان يقعد علي ابن آدم باستهتار
74. يتمختر وكأنه راكب قطار
75. أحمله وأسير به في أوحال الأمطار
76. ورغم كده بيفضل عني الأوتوكار
77. رغم إنه بيشتريها بأغلى الأسعار
78. مع إن موتورها ممكن يتعرض للانفجار
79. وشاسيها ممكن كمان يحصله انشطار
80. ولما تقف منه يدعي ويقول يا ستار
81. ويراعيها ليل ويا نهار
82. كل ده عشان يتعايق بها بدون استخارة ولا مستشار
83. واللا المسألة علشان التكبر والإشتهار
84. إنتم يا ناس دايما أحرار
85. مع إني مجرد بآكل وأشرب وأنهق وما عنديش أسرار
86. ما حدش عارف قيمتي وعلى طول استنكار

87. أعرف صاحبي على طول ومش محتاج استذكار
88. ده أنا خادم أمين من غير راتب ولا حتى إيجار
89. عايش متهني وفي حالي ولي أفكار
90. دائما يا إنسان فاكر إنك أفضل من تختار
91. مانتاش خايف من ربنا مع إن العاصي مستنياه النار
92. ده كلها عذاب وذل وهوان وبئس القرار
93. عمال تبني وتعلي في الأدوار
94. وإنت للآخرة في إدبار
95. مش ح يفيدك الهروب والإنكار
96. عد لربك وكون له شكار
97. طول عمرك على نفسك وعلى غيرك كذاب وفشار
98. وعلى الحق لفاف ودوار
99. وعلى الضعفاء إنت جبار
100. أما للجبابرة فأنت حوار
101. على طول ماشي وحاطت في بقك سيجار
102. تضربني بالكرباج وفاكر نفسك فارس مغوار
103. تشخط وتشتم ودايما جعار
104. فاكر نفسك كأنك أحسن طيار
105. أو كأنك الملك الذي سيتخطى الأنهار
106. ويركب السفن ويعبر البحار
107. ولا يهمه الحيتان ويصطادها بالسنار
108. مش خايف من موج ولا يهمه تيار
109. ويخترق الجبال ويهد الأسوار
110. ويفتح المدائن ويسبر الأغوار
111. ويخطب في الخلق ويشعلل الثوار
112. ويشعل النار ويزيدها احمرار
113. ويهلك الحرث والنسل ويخرب الديار
114. وكأنك ملك الفرس أو الروم أو التتار
115. وتفتكر نفسك إنك بقيت سوبر ستار
116. مع إنك في طريقك للإنهيار
117. وتاريخك وأموالك وممتلكاتك في طريقها للإندثار
118. وتنفخ في الفتنة وتديها شرار
119. وعلى ما يبدو إنك من أكثر الأشرار
120. ومتعطش دايما للشجار
121. بدل ما تزرع في الدنيا حب وأشجار
122. وتملاها خير وأزهار
123. وتدعو الناس في المدينة والأسفار
124. حتى تصل لمرتبة الأخيار
125. إعرف إن عمرك قد مضى وصار
126. وإنك لم تقد السفينة باقتدار
127. وإنك كنت للحكمة في افتقار

128. اعدل واصلح وخد القرار
129. فكر بالحق يا ابن آدم ولا تحتار
130. وابعد نفسك عن المحاذير والأخطار
131. ودلوقتي بقى عرفت مين فينا اللي حمار ؟؟
132. هاهاها، ده كله كان هزار !!

فلسفة حمار Get-9-2009-Giantup_CoM_2uq9ekot

ده كله ويبقى اسمه حمار بس
كلمه حمار دى مش اى حاجه جمب اللى بيعمله
خساره فيه الكلمه
ممكن الحمار يكون احسن منه

يعنى فى بشر عايشه معانا عادى وهيا اصلا ماتستحقش
مشكووووووووووور على موضوعك يا استاذ محمد

زائر

شكرا لمرورك ياسما

لقد ظلمت الحمار كثيرا يامحمد فوالله للحمار احب الى قلبى من هذا الجماد الذى الذى يبلدت فيه كل معانى الانسانيه وحل الصخر محل قلبه فصار لايعرف للحياة معنى سوى البطش والطغيان...................شكرا ليك يامحمد