قانون نيوتن الجديد....

زائر

: المشهد الأول:

راجل ماشي في حالوا راح واحد خابط فيه " طبعا الحوار معروف"

الراجل: أنت مبتشوفش.

اللي خبط فيه: آه مبشفش عندك مانع.

الراجل: أحترم نفسك وبعد عن وشي.

اللي خبط فيه: مش باعد.

( وطبعا اللي هيحصل بعد كده معروف, الأتنين هيمسكوا في بعض وفي أحتمال الموضوع ينتهي في القسم)

: المشهد الثاني:

أصحاب في جو كلوا هزار يجي واحد منهم يتقل العيار فيستفز اللي صابوا العيار.

( يلا خلينا نسميهم)

عيسى: بقلك لم البقوين دول أنت زودتها.

مصطفى: أيه تقل الدم ده أنا بهرج.

عيسى: بتهرج روح هرج على حد غيري.

( مصطفى يزيد فيها)

مصطفى: يا جماعة شكلوا الأخ متخانق مع المدام.

( عيسى طبعا بعد الجمله دي مش هيتفاهم والبقيه معروفه)

: المشهد الثالث:

أثنين في الشغل بنهم تار وواحد منهم بيدور على أي حاجه علشان يولع الهدف المراد.

( خلينا نرجع لعيسى ومصطفى لأن شكلهم متصلحوش)

عيسى: المدام طبخه أيه النهرضه.

مصطفى: " بصوت واطي"...... أصطبحنا وأصبح الملك لله.

عيسى: ماسمعتش......" والله أنا حساها حركات الجنس اللطيف بس خلينا نكمل"

مصطفى: أستغفر الله.

عيسى: " في دماغوا" ... والله أستفزيتوا....."اللي تقال"...قول ممكن أكل عندكم لو مش هتقل.

( مصطفى خلاص وصلت معاه)

مصطفى: ألزم حدودك.

عيسى: ألزم حدودي........" بعض الكلام لا يمكن كتابته"

( و بكده بيكون فعلا ولع الهدف, وطبعا اللي ممكن يحصل للأتنين بعد كده هو فصل تأديبي)

هذه المشاهد السابقة " أو نقول عنها مواقف" مواقف طبيعية تحصل للجميع بدون أستثناء, فمن منا لم يتعرض لشخص سفيه أو متمرد أو غير محترم, والجميع أيضا " إلا من رحم ربي" ينفعل ويتجاوب بشكل سلبي مع الرسائل السلبية.

ودائما نلاحظ بأن نتائج تجاوبنا السلبي "الذي يعتبره البعض قوة" سلبية, فلا يستفيد أي من الطرفين.

فنستنتج من ذلك إن ردة الفعل السلبية على الفعل السلبي سواء كان بقصد أو من غير قصد, المزيد من السلبية " وكأننا ندور في حلقة مفرغة", مثلا: هو تعدى علي فسأتعدى عليه ويعود مرة أخرى ليتعدى علي وهكذا.

كما يقول قانون نيوتن: لكل فعل رد فعل مساوي له في المقدار ومعاكس له في الأتجاه.

ولكن, ماذا لو حطمنا المقاييس وأضفنا بعض التعديل على قانون نيوتن ليكون.

قانون نيوتن الجديد: لكل فعل رد فعل مساوي له في المقدار ومعاكس له في الأتجاه* لكن* أفضل منه في النوعية ليتسبب في إغاظة صاحب الفعل وإسكاته وفي أفضل الأحوال إعتذاره.

" طيب للتوضيح نعيد المشاهد"

: المشهد الأول:

راجل ماشي في حالوا راح واحد خبط فيه

الراجل: آه......تفضل يا أخويا.

اللي خبط فيه: والله آسف.

الراجل: ولا يهمك.

( خلص الموضوع)

: المشهد الثاني:

أصحاب في جو كلوا هزار يجي واحد يتقل العيار.

عيسى: لو سمحت مصطفى عارف أنك عايز تهزر بس عايزك في كلمتين ضروري.

مصطفى: خير.

عيسى: معلش يا مصطفى أنا عارف أنك بتحب الهزار وأنا صحبك وأستحملك بس بدقت أزعل .

مصطفى: مكنش قصدي وعلى العموم آنا آسف وهسكت خلاص رضيت ياعم.

عيسى: ولا يهمك.

( والأصحاب راحوا وكملوا الأقعده الحلوه وكل حاجه تمام)

: المشهد الثالث:

أثنين في الشغل بهم تار وواحد منهم بيدور على أي حاجه علشان يولع الهدف المراد.

( عيسى ومصطفى خلاص أتصلحوا خلينا ندور على حد تاني)

كمال: المدام طبخه النهرضه أيه.

أحمد: طبخه كوسه ورز على القد يعني تشرف لو عايز.

كمال: " في دماغوا"....أستفز الراجل ده أزاي..." اللي تقال"...بسأل فضول لحسن تتخانق معاها , شايل همك.

أحمد: لأ طبعا أي حاجه من أيدها زي العسل" ده بس قداموا"....على العموم تشرف.

كمال: شكرا...." بجد شويه وينفجر"

( وأنتهى الموضوع بدون ما يقدر كمال أنوا يستفز أحمد)

ومن هذه المشاهد أو المواقف نجد بأننا لو أستقبلنا الرسائل السلبية بطريقة إيجابية فسنستفيد وسنكون المسيطرين على أنفسنا والمتحكمين في قراراتنا وأفعالنا ولن ندع غيرنا يقوم بالدور نيابة عنا.

إذا الأستجابة الأيجابية, قوة حقيقية, قد لا يدركها الغير أو قد يفسرها ضعفا, لكنها فعلا قوة تجعل منك شخص مستقل لا يستطيع أي شخص أن يضعه في أطار معين أو يمسك عليه حجة.

لذلك أدعوا الجميع ألى الإيجابية في أستقبال الرسائل السلبية لتكون المتحكم الوحيد في ردة فعلك ولجعل الأخرين يشعرون بالضعف أمام قوتك الإيجابية, فقط خذ نفس عميق وفكر لثواني ماذا ستكون نتائج ردة الفعل المتسرعة .

وأخيرا أعتذر لنيوتن ولكن قررت أن أستبدل قانونه بقانوني.

قانون القلب الطيب بعد التعديل للقانون نيوتن:
لكل فعل رد فعل مساوي له في المقدار ومعاكس له في الأتجاه * لكن* أفضل منه في النوعية ليتسبب في إغاظة صاحب الفعل وإسكاته وفي أفضل الأحوال إعتذاره.

جربها اليوم: أستفز أحد معارفك وعندما ينفعل أصمت وأكتفي بالنظر وبعدما ينتهي من أنفعاله فقط أبتسم أن لم يعتذر لك بطريقة أو أخرى فلتلغوا الموضوع.

نصيحة:أكثر المشاكل تحدث بسبب الصغائر وعلى الأنسان أن يترفع عن الصغائر وكما إن الأيجابية في التعامل يكسبك المزيد من الأصدقاء, مجربة من قبلي.

بجد رائع موضوعك ياستاذ محمد ويارب يكون عندنا لغة التسامح هيه السائدة بينا

زائر

شكرا ليكى يامنار واتمنى توفيقك فى المنتدى

» وزير الاستثمار: الريف مستبعد من قانون الضريبة العقارية
» الإتحاد الأوروبي يوافق على قانون المنافسة المالية العادلة
» لجنة الدفاع بمجلس الشعب توافق على تعديل قانون الخدمة العسكرية
» المنتدى الجديد
» البطيخ فى شكله الجديد